| e-texts navigator |
| Wylie |
18b1 བྲལ།། སྔོན་མེད་ཕྱིས་དང་བྲལ་བས་གདོད་ནས་བྱུང་།། ནམ་མཁའ་མཐའ་ལྟར་ཁྱབ་པས་གཅིག་ཏུ་བསྡུས།། ཆེ་བའི་ཆེན་པོ་དཔལ་གྱི་རང་བཞིན་འབྱུང་།། མི་བརྩལ་གཞན་ལ་བསྟན་མེད་སྨོན་ལམ་བྲལ། ཁམས
18b2 གསུམ་གང་ན་སྤྱོད་པ་མིང་ཙམ་མེད།། མི་གནས་སྤྲུལ་པ་སྒྱུ་མར་སྣང་བ་སྟེ།། རྣལ་འབྱོར་དུས་ལས་ལྟོས་པ་འབྱུང་མི་འགྱུར། ཁ་ས་མུན་ཛ་ནམ་མཁའ་དང་མཉམ་པའི་རྒྱུད་ལས། དུས་གསུམ་རྒྱུན་དང་བྲལ་བའི
18b3 ལེའུ་སྟེ་ཉེར་གཉིས་པའོ།། །། ཅིར་ཡང་མི་གཟུང་ནམ་མཁའི་མཐའ་དང་མཉམ།། ཆགས་དང་འདས་པས་འཛིན་མེད་གཏོར་མར་བཤད།། གང་གིས་གང་ལ་དངོས་པོས་འཁྲུལ་པའི་ནད།། སྤྲོས་པའི་བྱ་བ་མེད
18b4 པས་ལས་རྣམས་འགྲུབ།། དཀྱིལ་འཁོར་རིམ་པར་གསལ་ཞིང་ལས་རྣམས་བྱེད།། ནམ་མཁའི་ཁང་པ་ལྟ་བུར་སྟོན་དང་བྲལ།། ལས་ཀྱི་རང་བཞིན་ཡེ་ནས་ནམ་མཁར་གསལ།། ནམ་མཁའི་ལས་ལ་མི་སྒོམ་ནམ
18b5 མཁའ་མེད།། ནམ་མཁའི་དོན་དང་ལྡན་པས་ནམ་མཁའ་ཆེ།། ཆེའོ་དོན་ལྡན་འབྲས་བུ་ལྷུན་གྱིས་གྲུབ།། དེ་ལས་མ་ཉམས་འབྲས་བུ་ཡེ་ཤེས་ས།། མི་རྟོག་རྟོག་པ་མེད་པས་བགེགས་དང་བྲལ།། གཟུང་འཛིན་མཐའ
18b6 ལས་མཉམ་ཉིད་ཅང་མི་གསུང་།། ཟབ་མོ་བརྗོད་པ་སྔགས་ཀྱི་ཚིག། བརྩལ་བའི་ལས་དང་བྲལ་བས་ལས་རྣམས་འགྲུབ།། སངས་རྒྱས་གཞན་དུ་འདོད་མི་བྱ།། རིག་པ་ནང་དུ་བསམས་པས་མཆོག་སྦྱིན་བྱ།། འཛིན
iiif viewer powered by OpenSeadragon
