| e-texts navigator |
| Wylie |
18a1 ཡུལ་དུ་འབྱེད་པ་སྙིང་རྗེའི་དབྱིངས།། གནས་སུ་བསྐྱོད་པའི་དོན་ནི་ཀུན་དང་མཐུན།། དེ་ལ་དེ་དོན་མཛད་པ་ཆགས་པ་མེད།། མ་སྐྱེས་ཨ་ཡི་རང་བཞིན་མཛེས་པ་དང་།། ཨཱ་ལི་ཀ་ལི་ཡེ་ནས་ཟབ་པར
18a2 བསྟན།། ཐ་དད་ཡུལ་ལ་འཛིན་པའི་རང་བཞིན་གསལ།། མ་སྐྱེས་གནས་ཀྱི་མཐུ་ནི་ཤུགས་ལས་བྱུང་། ཁ་ས་མུན་ཛ་ནམ་མཁའ་དང་མཉམ་པའི་རྒྱུད་ལས། ཐམས་ཅད་ཀུན་ཏུ་བཟང་པོའི་རོལ་པར་བསྟན་པའི་ལེའུ
18a3 སྟེ་ཉེར་གཅིག་པའོ།། །། ཐམས་ཅད་མཉམ་ཉིད་ཡོངས་སུ་རྫོགས་པའི་དཔལ།། དེ་ལ་དེ་བཞིན་བསྟན་པ་དེ་ཡང་ཐོབ།། དེ་བཞིན་བསྟོད་པ་ངོ་མཚར་རབ་ཏུ་ཆེ།། དུས་གསུམ་རྐུན་གྱི་ཆོས་ནི་དེ་ཡི
18a4 གནས།། ཡེ་ནས་འགྱུར་བ་མེད་པས་ཆེ་བའི་དོན།། སྔོན་མེད་ཕྱིས་མེད་ཡེ་ནས་ཁྱབ་པར་གནས།། དེ་ལྟར་བསྟན་པ་སངས་རྒྱས་ཡོངས་ཀྱི་ལམ།། སྐྱེ་བ་མེད་པ་སྐྱེ་བ་ཆུ་ཟླ་འདྲ།། གང་ལ་ཟུར་དང་བྲལ་བས་བརྟེན
18a5 བཅས་མེད།། ཀུན་ཏུ་མཉམ་ཉིད་ཡེ་ནས་གྲུབ་པ་ལ།། རང་བཞིན་ཕྱོགས་ཙམ་བསྟན་པས་གྲུབ་པ་མེད།། སྐྱེ་བ་འདི་ལ་འབྱུང་དང་ཕྱི་མའི་བདེ།། གསལ་པ་ཡེ་ཤེས་མངོན་སུམ་རྒྱབ་ནས་བྱུང་།། ལེན་མེད་ཐོབ་དང
18a6 བྲལ་བས་ཆགས་པ་མེད།། དེ་ཡང་དམིགས་པ་མ་ཡིན་རྣམ་པ་མེད།། གང་ཡང་ཕྱོགས་ཀྱི་སྐྱོན་ཡོན་རྟེན་མི་བྱ།། གདོད་ནས་ཡོང་བའི་སྙིང་པོའི་སྙིང་པོ་མཆོག། འདུ་འབྲལ་མེད་པའི་དུས་གསུམ་ཁྱད་པར
iiif viewer powered by OpenSeadragon
