| e-texts navigator |
| Wylie |
9a1 དག་ཅིང་འདུས་མ་བྱས་རིག་པས།། སྤངས་ནས་ཐོབ་པ་མེད་དེ་འབྲས་བུ་མཆོག་ཏུ་གསུངས།། དེ་ཡོད་སངས་རྒྱས་དེ་མེད་སེམས་ཅན་མེད།། དེ་རྟོགས་བསྟན་ནས་ཡིད་ཀྱི་གཡོ་བ་བྲལ།། ཐ་དད་འདུ
9a2 ཤེས་རྡུལ་ཙམ་མི་སྐྱེ་ན།། མཐར་ཐུག་འབྲས་བུ་ཐོབ་ཚུལ་དེ་ལྟར་ཐོབ།། དང་པོ་རྟོགས་པའི་ཡེ་ཤེས་རང་བྱུང་སྟེ།། ཉི་མ་གཅིག་ལ་ཆ་བཅུར་གནས་པ་ལ།། ཆ་གཅིག་ཡེ་ཤེས་ཆ་དགུ་ཐ་མལ་ཏེ།། རིམ་གྱིས་མ་སྤངས
9a3 མ་བསྒྲུབས་བཅུར་འགགས་བཅུར་གནས་པ།། གསང་སྔགས་འབྲས་བུ་ཐོབ་ཚུལ་དེ་ལྟར་ཐོབ།། སྣང་བ་ཤར་ནས་མུན་པ་བརླག་པ་བཞིན།། གཉིས་མེད་རྟོགས་ནས་གཟུང་འཛིན་ལོག་པ་དང་།། ལྷུན་གྲུབ་རྟོགས
9a4 ནས་བྱ་བཙལ་ལོག་པ་དང་།། གཅིག་ཏུ་རྟོགས་ནས་རེ་དོགས་ལོག་པ་དང་།། མཉམ་ཉིད་རྟོགས་ནས་དགག་སྒྲུབ་ལོག་པ་དང་།། འབྲས་བུ་རྟོགས་ཤེས་རྡོ་རྗེ་སེམས་དཔས་གསུངས།། དེ་ཡང་གཞན་ནས་ཐོབ་པ་ཅི
9a5 ཡང་མེད།། རང་གི་ངོ་བོ་ཡེ་ནས་དེ་ལྟར་གནས།། གནས་པ་རྟོགས་ནས་བརྟན་པ་ཐོབ་པ་ལ།། མཐར་ཟུག་འབྲས་བུ་ཐོབ་ཚུལ་དེ་ལྟར་ཤེས་པར་གྱིས།། རང་གིས་ཤེས་ནས་གཞན་ནི་འདི་ལྟ་སྟེ།། ཡང་དག་དོན་འདི
9a6 སྟོན་པའི་སློབ་དཔོན་དེ།། ལྷན་ཅིག་གནས་ན་སྲི་ཞུ་སྨོས་ཅི་དགོས།། ཡང་ན་བཞུགས་པའི་ཡུལ་ཕྱོགས་དྲིས་ནས་ཀྱང་།། ཕྱོགས་དེར་མཆོད་ཅིང་ཕྱག་འཚལ་བསྟོད་པར་བྱེད།། སྔོན་དུ་བཞུགས་པའི་གྲོང་ངམ་གནས
iiif viewer powered by OpenSeadragon
