| e-texts navigator |
| Wylie |
8b1 པའོ།། །། རྣམ་དག་ཡེ་ཤེས་ངང་ལ་ཕྱག་འཚལ་ལོ།། འབྲས་བུས་སངས་རྒྱས་འདུས་མ་བྱས་ཡིན་ཏེ།། ཆོས་ཉིད་སེམས་ཉིད་ཡེ་ནས་འདུས་མ་བྱས།། བསྒྲུབས་ནས་གྲུབ་ཅིང་ཐོབ་པ་མ་ཡིན་ཏེ།། ཡེ་ནས་ཡིན་པའི
8b2 དོན་དེ་རབ་རྟོགས་ན།། རྟོགས་པས་བསྟན་པ་དེ་ལ་འབྲས་བུར་གདགས།། རང་འབྱུང་ཡེ་ཤེས་ངང་གིས་གནས་པ་ལ།། རྟོགས་པའི་ཡེ་ཤེས་རང་བཞིན་ཤར་བ་ཡིན།། རྟོགས་པའི་ཤུགས་ཀྱིས་རླུང་དུ་གནས་པ
8b3 ལ།། སྟོབས་ཀྱིས་བསྟན་པ་འབྲས་བུའི་མཆོག་ཏུ་བཤད།། ངོ་བོ་རང་བྱུང་ཡེ་ཤེས་འཕེལ་འགྲིབ་མེད།། སངས་རྒྱས་གནས་སྐབས་གཞི་རུ་དབྱེ་བ་ཙམ།། ཅི་སྟེ་འདུས་མ་བྱས་ཤིང་བདག་གཞན་དབེན།། དེ་བས་ཐོབ
8b4 ཏུ་མེད་པའི་འབྲས་བུ་ཐོབ།། དང་པོ་གནས་སུ་མེད་པའི་ལུགས་དེ་ལ།། གཉིས་པ་རྟགས་སུ་མེད་པའི་རྟོག་པས་རྟོགས།། གསུམ་པ་བལྟ་རུ་མེད་པའི་ལྟ་བ་དེ།། བཞི་པ་སྒོམ་དུ་མེད་པའི་སྒོམ་པས་སྒོམ།། ལྔ་པ་ཐོབ
8b5 ཏུ་མེད་པའི་འབྲས་བུ་དེ།། དྲུག་པ་མཁྱེན་དུ་མེད་པའི་མཁྱེན་པ་ཤར།། རྡོ་རྗེ་སེམས་དཔས་འབྲས་བུ་མཆོག་ཏུ་གསུང་།། འབྲས་བུའི་ངོ་བོ་ཡེ་ནས་ཡིན་པ་ལ།། རྟོགས་པས་ཐོབ་ཅེས་རྡོ་རྗེ་སེམས་དཔས
8b6 གསུངས།། དཔེར་ན་མ་ཧེ་ར་ཚིག་བུ་བཞིན་ནོ།། ཐེ་གུ་སྦྲུལ་ལ་སོགས་པ་དེ་བཞིན་ནོ།། ཡེ་ནས་གཟུང་འཛིན་དབེན་ཞིང་འདུས་མ་བྱས།། ཡིན་པ་ངང་གིས་གཟུང་འཛིན་འདུས་བྱས་འཁྲུལ།། རང་གི་གཟུང་འཛིན
iiif viewer powered by OpenSeadragon
