| e-texts navigator |
| Wylie |
7b1 རྒྱུན་དུ་མ་འབྲལ་ཞིག། རྡོ་རྗེ་སེམས་དཔའི་ངོ་བོ་རང་རིག་ངང་ལ་ཕྱག་འཚལ་ལོ།། རང་སེམས་ཀུན་བཟང་ངོ་བོ་ཆོས་ཉིད་རྟོགས་ནས་ནི།། བླང་དུ་མེད་པའི་ཉམས་བླང་འདི་ལྟར་ཏེ།། གཅིག་ཏུ་རྟོགས་ནས་བློ་དངོས
7b2 ཕྲད་ཙམ་ན།། ཉམས་སུ་ལེན་པ་སུ་ཡིན་བླངས་པ་གང་།། བློ་ཉིད་དངོས་པོར་གྱུར་པས་བླང་བྱ་མེད།། སེམས་དེ་ཆོས་ཉིད་ངང་དུ་གྱུར་ཙམ་ན།། སྒོམ་མཁན་གང་གིས་བསྒོམ་པ་གང་ཞིག་སྒོམ།། ཆོས་ཉིད་ཡེ་ཁྱབ
7b3 རྟོགས་ནས་མ་ཡེངས་པ།། ཡེ་འབྱམ་ཆོས་ཉིད་དགོངས་པ་ཡིན་པར་བཤད།། དཔེར་ན་མཁའ་ལ་ཉི་མ་ཤར་བ་ཡང་།། འཆར་བའི་ཡུལ་གཅིག་ཚད་མའི་བློར་གཞག་ནས།། འདིར་འཆར་འདིར་ནི་མི་འཆར
7b4 བར།། འཆར་བ་བདག་ཏུ་དམིགས་པ་ག་ལ་ཡོད།། ཆོས་ཉིད་མཁའ་ལ་རིག་པའི་ཉི་ཤར་བ།། ཆུ་ལ་ཆུ་འུར་ཐིམ་ནས་གནས་པ་ལས།། འདི་སྒོམ་འདི་མི་སྒོམ་པར་ཀུན་བཟང་མ་གསུངས་སོ།། སྒོམ་ཡུལ་སྒོམ་མཁན
7b5 བཀག་པ་མ་ཡིན་ཡང་།། བློ་དངོས་ཕྲད་པས་ཆོས་ཉིད་ངང་དུ་གསལ།། རྟོགས་ནས་རང་དབང་མེད་པར་སྒོམ་པའི་ཡུལ་དང་བྲལ།། འདི་སྒོམ་འདི་མི་སྒོམ་པར་ཆོས་དང་གང་ཟག་རྟོགས།། སྐྱོན་དང་ཡོན་ཏན་བྲལ
7b6 བས་ཉོན་མོངས་དུག་གསུམ་ལོག། དུག་གསུམ་མ་གཅད་ལོག་པས་སྐུ་གསུམ་མ་བསྒྲུབས་འགྲུབ།། དེ་བས་སྒོམ་དུ་མེད་པ་སྒོམ་པ་ཆེན་པོའི་མཆོག། སྐྱོན་ཡོན་བྱ་བྱེད་རེ་དོགས་མེད་པས་ཆེ།། དགག་སྒྲུབ་ཡིད་ཀྱི
iiif viewer powered by OpenSeadragon
