| e-texts navigator |
| Wylie |
6a1 ཆོས་ཉིད་ཡེ་ནས་དངོས་པོའི་གནས་ལུགས་གཅིག་པ་ལ།། གཟུང་འཛིན་བློ་ཡིས་ཐ་དད་བློ་ཡི་ཆོས།། ལུང་དང་མན་ངག་སྟོབས་ཀྱི་ཐམས་ཅད་གཅིག་ཏུ་རྟོགས།། བློ་དངོས་འཕྲོས་པས་སེམས་དང
6a2 ཆོས་སུ་འདྲེས།། བློ་ཉིད་དངོས་འདྲེས་འགྱུར་ཞེས་རྡོ་རྗེ་སེམས་དཔས་གསུངས།། ཚོགས་གཉིས་རྫོགས་ཤིང་སྒྲིབ་གཉིས་བྱང་ཞེས་བྱ།། ཡུལ་སེམས་གཉིས་མེད་སངས་རྒྱས་དགོངས་པར་གསུངས།། གཉིས་མེད
6a3 རང་གི་ངོ་བོ་གཅིག་པུ་དེ།། འབྱེད་པ་མེད་པས་སྨག་གི་མུན་རུམ་བཞིན།། སྨག་གི་མུན་རུམ་འདི་འདྲ་འབྱེད་པ་མེད།། ཤེས་པ་མེད་པའི་ཤེས་པ་དེ་བྱུང་ན།། གནས་པ་མེད་པའི་གནས་ལུགས་རྟོགས་པ་ཡིན།། མཐོང
6a4 བ་མེད་པའི་ལྟ་བ་དེ་མཐོང་ན།། ཅི་ཡང་མ་སྤངས་ཅིས་ཀྱང་གོས་པ་མེད།། རིག་པའི་ཡུལ་མེད་རིག་པའི་མཁན་པོ་མེད།། ཡུལ་སེམས་གཉིས་མེད་ཡིད་ཀྱི་གཡོ་བ་བྲལ།། རིག་པ་མེད་པའི་རིག་པ་ཤར་བ་ལ།། ཡང
6a5 དག་དོན་རྟོགས་མེད་པར་རྟོགས།། དེ་ལས་གཞན་དུ་ཐེག་པ་དམན།། བདག་གཞན་འདུས་ཤེས་མ་ལོག་པར།། བདག་མེད་རྟོགས་པ་ཡིན་སྨྲ་ཞིང་།། བྱ་བྱེད་འདུ་ཤེས་མ་ལོག་པར།། སངས་རྒྱས་ཐེག་པ་ཡིན་པར
6a6 སྨྲ།། རེ་དང་དོགས་པ་མ་ལོག་པར།། ཉོན་མོངས་ལྷག་པར་འདོད་པ་དང་།། སྐུ་གསུམ་བསྒྲུབས་ནས་གྲུབ་འདོད་ཅིང་།། བདག་གིས་གཞན་ལ་སྤྱོད་ཅིང་རྟོག། སངས་རྒྱས་ཐེག་པར་བགྲང་བ་མེད།། དེ་ནི་སེམས
iiif viewer powered by OpenSeadragon
