| e-texts navigator |
| Wylie |
4b1 བསྒྲིབས།། འབྱུང་བ་ལྔ་དང་འགྲོ་བ་རིགས་ལྔ་པོ།། གཟུང་འཛིན་ཉོན་མོངས་ལྔ་ལས་སྣ་ཚོགས་སྣང་།། སྣང་ཡང་ཆོས་ཉིད་རང་བྱུང་གཡོས་པ་མེད།། དཔེར་ན་སྲིད་པ་དང་པོ་ཆགས་པ་ཡང་།། ལྟེ་བ་ཐིག་ལེའི་ཆ
4b2 ཤས་མེད་པ་ལ།། ཡན་ལག་ལ་སོགས་མ་བཙལ་རང་ཉིད་ཤར།། སྣ་ཚོགས་གཅིག་དང་གཅིག་གི་མཚན་ཉིད་མི་མཐུན་ཏེ།། ལྟེ་བའི་ཐིག་ལེའི་ངང་ལ་གཡོས་པ་མེད།། དེ་བཞིན་ཆོས་ཉིད་ནམ་མཁའ་རང་བཞིན་ཅིར
4b3 ཤར་ཡང་།། ཆོས་ཉིད་ངང་ལ་གཡོས་པ་ཅི་ཡང་མེད།། དེ་བས་དངོས་པོའི་གནས་ལུགས་གཅིག་ཏུ་གནས་པ་ལ།། གཅིག་པུ་རང་ཉིད་ཅིར་ཡང་ཤར་བ་སྟེ།། གཅིག་གི་ཀུན་གྱི་རྣམ་པ་འཛིན་ལ་གསུངས།། གཅིག་པུ
4b4 འཁོར་འདས་ཀུན་གྱི་དངོས་བཞི་སྟེ།། ངོ་བོ་ཉིད་ནི་རྟོགས་དང་མ་རྟོགས་ཀྱི།། བྱེད་པ་མེད་པར་རང་ཉིད་ཅིར་ཡང་ཤར།། དཔེར་ན་ནམ་མཁའི་ངོ་བོ་བྱེད་པ་མི་མངའ་སྟེ།། རང་གི་ངོ་བོའི་འབྱུང་བ་བཞིར་ཡང
4b5 ཤར།། འབྱུང་བ་བཞི་ཡང་སྣ་ཚོགས་བསམ་ལས་འདས།། འདས་ཀྱང་ནམ་མཁའ་མ་གཡོས་བྱེད་པ་མེད་པར་ཤར།། སེམས་ཅན་བསམ་པ་སངས་རྒྱས་དགོངས་པ་ཡང་།། ཆོས་ཉིད་གཅིག་ཏུ་གཞན་ནི་ཅི་ཡང
4b6 མེད།། དེ་བས་གནས་ལུགས་གཅིག་པ་བསམ་མི་ཁྱབ།། དེ་ནི་གསང་སྔགས་གནས་ལུགས་ཡིན་པར་གོ་བར་གྱིས།། གཞན་ནི་གནས་ལུགས་ཐ་དད་ཡིན་པར་འདོད།། དེ་ནི་གནས་ལུགས་གཟུང་འཛིན་ཅན་ཡིན
iiif viewer powered by OpenSeadragon
