| e-texts navigator |
| Wylie |
4a1 བོའི་ཡི་གེ་སྟེ་དང་པོའོ།། །། གསང་སྔགས་ངོ་བོ་རང་བཞིན་དབྱིངས་ལ་ཕྱག་འཚལ་ལོ།། གསང་སྔགས་གནས་ལུགས་ཐིག་ལེ་ཉག་གཅིག་སྟེ།། ཀུན་བྲལ་ཀུན་དངོས་ཅི་སྤངས་ཅི་མི
4a2 སྤངས།། ཐིག་ནི་མི་གཡོ་མི་འགྱུར་མ་ནོར་སྤྲོས་དང་བྲལ།། ལེ་ནི་ཀུན་དངོས་བརྡལ་ཁྱབ་ཅིར་ཡང་ཤར།། ཉག་ནི་ཟབ་ཅིང་ཕྲ་སྟེ་རྟག་པར་དཀའ།། གཅིག་ནི་ཅི་དྲན་ཅི་སྨྲས་ཡུལ་སེམས་བདག་གི་དབྱིངས།། ཀུན
4a3 བྲལ་བདག་གི་ངོ་བོ་ཕྱོགས་དང་བྲལ།། གཅིག་ཏུ་ཟླ་བྲལ་དོ་ཆད་ཡིན་པ་ལ།། ཀུན་དངོས་དེ་རང་གཟུང་འཛིན་བྱུང་བ་ལས།། ཉོན་མོངས་འགྲོ་བ་ལྔ་དང་འབྱུང་ཆེན་ལྔའོ།། ཅི་སྤངས་གཅིག་ལས་གཡོས་པ་མེད
4a4 པའོ།། ཅི་མ་སྤངས་པ་དེ་ཉིད་ཅིར་ཡང་འབྱུང་།། ཐིག་ནི་ཆོས་ཉིད་ནམ་མཁའ་ཉིད་ལ་བྱ།། ལེ་ནི་སེམས་ཉིད་ནམ་མཁའ་ཉིད་ལ་བྱ།། ཉག་ནི་འབྱུང་བའི་ནམ་མཁའ་ཉིད་ལ་བྱ།། གཅིག་ནི་དབྱེར་མེད་གནས་ལུགས
4a5 གདོད་མ་ནས།། གཅིག་སྟེ་སུས་ཀྱང་མ་བྱས་བྱེད་པ་མེད།། ཀུན་བྲལ་ཕྱོགས་རིགས་བདག་གཞན་རྒྱུ་འབྲས་སྤྲོས་དང་བྲལ།། ཀུན་དངོས་མ་རིག་ཅིར་ཡང་ཤར།། ཅི་སྤངས་རང་རིག་རང་རྟོགས་ཐམས་ཅད་རང་དུ
4a6 བརླག། ཅི་མ་སྤངས་ན་སྣང་སྲིད་མ་བཅོས་རང་སར་གྲོལ།། གནས་ལུགས་ཆོས་ཉིད་ནམ་མཁའ་གཅིག་པུ་ལ།། གཟུང་འཛིན་རང་བྱུང་ནམ་མཁའ་གཉིས་བྱུང་བས།། ཆོས་ཉིད་ནམ་མཁའ་མ་མཐོང་གཉིས་པོས
iiif viewer powered by OpenSeadragon
