| e-texts navigator |
| Wylie |
24a1 དམ་ཅན་བཀའ་ལས་བདག་མི་འདའ།། རྡོ་རྗེ་སེམས་དཔའ་ཁྱོད་ཀྱི་བཀའ་སྩལ་ཚུལ་བཞིན་བགྱི།། ཐུགས་རྗེ་ཅན་གྱི་བཀའ་བཞིན་བདག་བགྱིད་དོ།། དཀོན་མཆོག་གསུམ་གྱི་བཀའ་མི་སླུ།། ཉི་ཟླས
24a2 ལ་ལྟུང་བ་སྲིད་དུ་རུང་།། སེམས་དཔའ་ཁྱོད་ཀྱི་བཀའ་ལས་འདའ་མི་སྲིད།། ཁྱོད་ཀྱི་བཀའ་དྲིན་ཡལ་བར་བདག་མི་གཏོང་།། དེ་བཞིན་གཤེགས་པའི་དགོངས་པའི་ཡང་སྙིང་འདི།། དམ་ཉམས་སྡིག་ཅན་ཀུན་གྱི
24a3 ལག་ཏུ་བདག་མི་གཏོང་།། འཇིག་རྟེན་གཡེང་བའི་ལག་ཏུ་བདག་མི་གཏོང་།། དེ་བཞིན་གཤེགས་པ་ཀུན་གྱི་བྱིན་རླབས་དང་།། མགོན་པོ་སེམས་དཔའ་ཁྱོད་ཀྱི་བྱིན་རླབས་ཀྱིས།། བདག་ཉིད་འཁྲུལ་པའི་དབང་དུ
24a4 མ་གྱུར་ཅིག། མཐུ་དང་རྫུ་འཕྲུལ་དབང་དུ་མ་གྱུར་ཅིག། བར་ཆོད་བདུད་ཀྱི་དབང་དུ་མ་འགྲོ་ཞིག། སྲིད་པའི་འཚོ་ལས་འགྲོ་བ་འདོན་པར་ཤོག། རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་།། ཞུ
24a5 ཆེན་གྱི་ལོ་ཙ་བ་དྲན་པའི་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་ནས།། ཉང་ཏིང་འཛིན་ལ་གདམས།། དེས་སྤྲ་མོ་རྒྱ་ལེ་མཚོ་ལ་གདམས།། དེས་སྐྲ་བློ་གྲོས་དབང་ཕྱུག་ལ་གདམས།། དེས་འབྲོམ་ཡེ་ཤེས་བླ
24a6 མ་ལ་གདམས།། དེས་སྲས་རྒྱལ་བའི་ཤེས་རབ་ལ་གདམས།། དེས་ཞང་དར་མ་ཡེ་ཤེས་ལ་གདམས།། དེས་ཤངས་པ་ལྕེ་ཆུང་བ་ཡེ་ཤེས་རྒྱལ་མཚན་ལ་གདམས།། དེས་ཤུད་ཀྱེ་སྟོན་པ་མི་འཇིགས་ལ
iiif viewer powered by OpenSeadragon
