| e-texts navigator |
| Wylie |
23b1 བཅོ་བརྒྱད་པའོ།། །། དེ་ནས་འཇམ་དཔལ་བཤེས་གཉེན་ཁྱེའུ་སྣང་བ་བསམ་གྱིས་མི་ཁྱབ་པ་དེ་ཡིད་རབ་ཏུ་དངས་ཏེ།། ཕ་ཧཱ་སུ་ཀ་ཧོ་ནི།། ཨོཾ་མཱ་ཨེ་མ།། རྡོ་རྗེ་སེམས་དཔའི་སྐུ་མཆོག་འགྲོ་དཔལ་ཐུགས་དཀྱིལ
23b2 ནས་བདུད་རྩི་ཆུ་རྒུན་བྱང་སེམས་བཅོ་བརྒྱད་འབབ།། ཉོན་མོངས་ཀོ་སྐམ་དག་གི་ཟ་བ་ལ།། མི་བངས་སྐམས་མེད་འགྲོ་ཀུན་གྲོལ་མཉམ་སེམས།། བྱང་སེམས་གབ་པ་ཞུས་པའི་ཡི་གེ་འདི།། བདག་གི་བློ་བའི
23b3 དཀྱིལ་དུ་ས་མ་ཡ།། བདེ་གཤེགས་བྱིན་རླབས་མ་ལུས་དུས་འདིར་བདག་ལ་འདུས།། འགྲོ་བའི་དུག་ཆེན་སེལ་མཛད་སྨན་ཆེན་མགོན་པོ་སེམས་དཔས་གསུངས།། སྐལ་ལྡན་འགྲོ་བ་གྲོལ་བར་ཐེ་ཚོམ་མེད།། ཀུན་ཏུ
23b4 བཟང་པོའི་ཞལ་ཡང་དུས་འདིར་མཐོང་།། རྡོ་རྗེ་སེམས་དཔའི་ཞལ་ཡང་དུས་འདིར་མཐོང་།། རིགས་གསུམ་མགོན་པོའི་ཞལ་ཡང་དེ་རིང་མཐོང་།། བདེ་གཤེགས་ཐུགས་ཀྱི་ཉི་མ་ད་ལྟར་ཤར། ཁམས་གསུམ
23b5 འཁོར་པའི་མུན་པ་དེ་ནང་སངས།། འཁོར་འདས་གཉིས་ཀྱི་ཟམ་པ་དེ་རིང་ཚུགས།། ཁམས་གསུམ་དུག་གསུམ་ནང་ནས་སྐྱེས་ཆེན་འདེབས།། ཟག་པ་ཟད་ཅིང་བྱ་བ་དེ་རིང་བྱས།། དེ་རིང་འཁོར་བའི་གདོས་དང
23b6 བྲལ།། རྡོ་རྗེ་སེམས་དཔའི་ཐུགས་ཀྱི་ཐིགས་པ་འདི།། བདག་གིས་དམ་པ་ཉིད་དུ་གཟུང་བར་བྱ།། མགོན་པོ་ཁྱོད་ཀྱི་བཀའ་ལས་བདག་མི་འདའ།། རྡོ་རྗེ་སེམས་དཔའི་བཀའ་ལས་བདག་མི་འདའ།། མཁའ་འགྲོ
iiif viewer powered by OpenSeadragon
