| e-texts navigator |
| Wylie |
23a1 བསྟན་ན་ནི།། ཀུན་བཟང་རྡོ་རྗེ་སེམས་དཔའི་བཀའ་ཡང་ཁྱོད་ཀྱིས་བསླུས།། ང་ཡི་བཀའ་ལས་འགལ་ཏེ་འདས་གྱུར་ན།། སྣང་བ་འདི་དག་ཐམས་ཅད་མེར་གྱུར་ནས།། ནམ་མཁའ་གནས་ཀྱི་བར་དུ
23a2 ཁྱོད་ཉིད་སྲེག། སྣང་སྲིད་ཀུན་ཡང་ཁྱོད་ཀྱི་གཤེད་མར་འགྱུར།། ཆོས་སྐྱོང་སྲུང་མ་ལ་སོགས་ཐམས་ཅད་ཀྱིས།། ཁྱོད་ལ་མི་བཟང་པ་ཡི་ཆད་པས་གཅོད།། ཐར་པའི་དུས་མེད་འོ་དོད་ཆེན་པོ་འབོད།། དེ་འདྲའི་རྣམ
23a3 སྨིན་ས་ལ་མི་སྨིན་པར།། རང་ལ་སྨིན་ཏེ་འོང་བར་གོ་བར་གྱིས།། ཁྱོད་ཀྱིས་ང་ཡི་བཀའ་ལས་མ་འདས་ན།། རང་གི་ཡི་དམ་ཆོས་ཉིད་མི་གཏོང་ཞིང་།། ཀུན་བཟང་རྡོ་རྗེ་སེམས་དཔའི་དགོངས་པ་འདི།། སྣོད་ངན
23a4 དམ་ཉམས་ཀུན་ལ་མི་སྤེལ་ཏེ།། དད་པ་རི་རབ་ལྟ་བུར་མི་འགྱུར་ཞིང་།། བརྩོན་འགྲུས་ཆུ་དང་རླན་བཞིན་མི་འབྲལ་ཞིང་།། བཟོད་པ་ས་རྡོ་ཆུ་བུར་ཐོབ་པ་ལ།། མ་བཞག་ནན་ཏན་བྱས་ལ་འགའ་ཙམ་ལས།། གཞན
23a5 ལ་མ་སྤེལ་རྟེན་གྱི་ཚུལ་དུ་སྦྱིན།། ཁྱོད་ཀྱིས་ང་ཡི་བཀའ་ལས་མ་འདས་ན།། རྡོ་རྗེ་མཁའ་འགྲོ་ལ་སོགས་ཕྱི་ནང་བསྲུངས་མས་ཀྱང་།། ལུས་དང་གྲིབ་མ་བཞིན་དུ་འགྲོགས་ལ་བར་ཆད་ཞི་བར་མཛོད།། དཀོན་མཆོག
23a6 གསུམ་གྱི་བྱིན་རླབས་ཐུགས་རྗེ་ཆར་བཞིན་ཕོབ།། བདག་གི་སྨོན་ལམ་མཐུ་ཡང་ངན་སྔགས་བཞིན།། རྣོ་བས་ཁྱོད་ཉིད་རྡོ་རྗེ་སེམས་དཔར་ཚེ་འདིར་གསུངས།། ཞེས་ཡུན་ནི་ཇི་སྲིད་ཀྱིས་འགྲུབ་པའི་ཡི་གེའི་ལེའུ་སྟེ
iiif viewer powered by OpenSeadragon
