| e-texts navigator |
| Wylie |
21b1 མི་དབྱུང་།། གལ་ཏེ་འདུལ་བའི་དུས་མཐོང་ན།། ཟླ་བ་རེ་ཞིང་ཚིགས་བཅད་རེ།། རིམ་གྱིས་སྣོད་དང་སྦྱར་ལ་བསྟན།། དེ་ལས་གཞན་དུ་བློ་དམན་གྱིས།། འདོད་པ་ཅུང་ཟད་རང་དོན་དུ།། སྤེལ་ན་གཉིས་ཀ་དམྱལ
21b2 བར་འགྲོ། གལ་ཏེ་བརྒྱ་ལ་ཐར་གྱུར་ན།། རུ་དྲ་སྡེ་གསུམ་དག་ཏུ་སྐྱེ།། དེ་ནས་འཕགས་པའི་ཐུགས་རྗེས་བསྐུལ།། སྔོན་གྱི་དམ་ཚིག་རྗེས་སུ་དྲན།། སྡོད་ཀྱི་གསང་སྔགས་དོན་ལ་འཇུག། གསང་སྔགས་བཀའ་མགོ
21b3 ལོག་པ་ཡིས།། ཉོན་མོངས་དུག་གསུམ་རང་དགར་སྤྱད།། བསྐལ་པ་སྟོང་ཕྲག་བཅུ་གཉིས་སུ།། རྡོ་རྗེ་དམྱལ་བའི་སྡུག་བསྔལ་མྱོང་།། དེ་ནས་དེ་ལས་ཐར་པ་ན།། མ་ཏྲང་ཁ་ཏྲཾ་ཨ་ཀར་ཤ།། མགོ་བོ་བརྒྱ་ལ་ལུས
21b4 གཅིག་གམ།། ལུས་པོ་བརྒྱ་ལ་མགོ་གཅིག་གམ།། མཐུ་དང་རྫུན་འཕྲུལ་བསམ་མི་ཁྱབ།། ཚངས་པའི་འཇིག་རྟེན་མན་ཆོད་དུ།། ཀུན་ལ་གནོད་ཅིང་འཚེ་བར་བྱེད།། དེ་ནས་བཛྲ་ཧེ་རུ་ཀས།། ཤིན་ཏུ་གདུག་ཅིང
21b5 གཏུམ་པ་ལས།། ཞི་བས་ཕན་པར་མི་འགྱུར་ཏེ།། ཤེས་རབ་ཐབས་ཀྱི་ངོ་བོ་ཡིས།། ཁྲོ་བོར་དེ་བཞིན་གཤེགས་ཀུན་མཛད།། དུས་དེར་སྔོན་གྱི་དམ་ཚིག་དྲན།། འཁོར་དང་བཅས་པ་ཞི་བར་འགྱུར།། རང་བཞིན་ཆོས
21b6 ཉིད་མ་རྟོགས་པར།། སྒྲ་ཕྱིར་འབྲངས་པའི་ཉེས་པའོ།། དེ་བས་གོང་གི་དོན་ལ་ལྟོས།། ཞེས་ལམ་གྱི་ཆ་རྐྱེན་ཡི་གེའི་ལེའུ་སྟེ་བཅུ་བདུན་པའོ།། །། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ།། ཡེ
iiif viewer powered by OpenSeadragon
