| e-texts navigator |
| Wylie |
21a1 གསུམ་དུས་གསུམ་དུ།། ཆོས་སྐུ་རང་གི་ངོ་བོ་ལས།། ཡོད་པས་སེམས་དཔས་མ་གསུངས་སོ།། གང་ཡང་དྲན་མཐོང་དེ་ཁོ་ནའོ།། སྨན་གྱི་རྒྱལ་པོ་མ་གི་ཏས།། གང་ལ་རིགས་པས་སྨན་དུ
21a2 འགྱུར།། རྟོགས་པའི་གང་ཟག་སྐལ་ལྡན་གྱིས།། སྣང་སྲིད་ཡེ་ཤེས་འོད་དུ་འབར།། འཁོར་བ་བྱ་བའི་མིང་ཡང་མེད།། ཁམས་གསུམ་ཉོན་མོངས་གཏན་ནས་ཟད།། རིགས་ལྔའི་སངས་རྒྱས་དོན་དང་ཕྲད།། སྐུ་གསུམ
21a3 ཡོན་ཏན་འཕྲིན་ལས་ཀྱང་།། བསམ་ལས་འདས་ཏེ་ཐ་སྙན་ཙམ།། རྟོགས་པ་ཙམ་ལས་གདགས་པ་ལས།། ཕྱོགས་དང་རིས་སུ་ཆད་པ་ནི།། ཀུན་བཟང་ཡོད་པར་མི་གསུང་ངོ་།། དེ་འདྲའི་རྟགས་དང་ལྡན་པ
21a4 ལ།། ལམ་དང་ཆ་རྐྱེན་ལྡན་པར་ནི།། རྡོ་རྗེ་སེམས་དཔས་གསུངས་པ་ཡིན།། དོན་དང་ལྡན་པའི་སྐྱེས་བུ་ནི།། དཀོན་མཆོག་གསུམ་ཡང་ངང་དུ་གྲོལ།། འགྲོ་བའི་སྲོག་ཀྱང་ངང་དུ་གཅོད།། དགེ་སྡིག་གཉིས་ཀྱང་ངང
21a5 དུ་སྙོམས།། རིག་ཀུན་ངང་དུ་རླག་པར་བྱེད།། རིག་པའི་རྒྱུན་ཡང་ངང་དུ་གཅོད།། འཁོར་འདས་ངང་ཡང་ངང་གིས་གཅོད།། བློ་ཡི་ཆོས་ཀུན་ཟད་པ་ན།། དོན་དང་ལྡན་དེ་ཆ་རྐྱེན་ཚང་།། ཁྱོད་ཀྱི་དེ་ལྡན་ཤེས་པར
21a6 གྱིས།། མདོར་ན་འདི་ཡི་ཆ་རྐྱེན་དུ།། མ་གྱུར་མི་འགྱུར་མི་སྲིད་དེ།། སྐལ་ལྡན་བརྒྱ་ལ་འགའ་ཡིས་རྟོགས།། ཀུན་གྱི་ཐུན་མོང་མ་ཡིན་པས།། རྒྱ་མཚོའི་གཏིང་གི་ཕ་བོང་བཞིན།། སྲིད་པ་འཁྲུགས་ཀྱང་ཁར
iiif viewer powered by OpenSeadragon
