| e-texts navigator |
| Wylie |
20b1 དང་།། མྱ་ངན་འདས་དང་འཁོར་བ་དང་།། ཡོད་མེད་གཉིས་དང་གཉིས་མེད་དང་།། མཐའ་རྣམས་ཀུན་བཟང་དགོངས་པའི་རྐྱེན།། སྤྲོད་དང་སྤྲོས་བྲལ་དང་གི་ལམ།། གཟུགས་ཀུན་ང་རང་ཉིད་ཀྱི་གཟུགས།། སྒྲ
20b2 ཀུན་ང་རང་ཉིད་ཀྱི་སྒྲ།། དྲན་རྟོག་ང་རང་ཉིད་ཀྱི་སེམས།། ང་རང་ཉིད་ཀྱི་རོལ་པ་ལ།། སྤང་བླང་ང་རང་རང་ཉིད་ཤར།། བཟང་ངན་ང་ཡི་ལམ་གྱི་གྲོགས།། ང་ཉིད་མ་ཡིན་གཅིག་ཀྱང་མེད།། ཐམས་ཅད་ལམ་དུ
20b3 སེམས་དཔས་གསུངས།། ཐམས་ཅད་ཡེ་ནས་རང་གི་རྒྱན།། མཚོན་ཕྱིར་དེ་སྐད་བསྟན་པ་ཙམ།། ཐམས་ཅད་ང་ཡི་རྐྱེན་ཡིན་ཏེ།། གཅིག་མ་ཚང་ན་དོན་མི་འགྲུབ།། ཐམས་ཅད་སེལ་མེད་ཆ་དང་རྐྱེན།། གང་ཡང་རུང
20b4 ངོ་ཅི་ཡང་ཡིན།། ཐམས་ཅད་ཆོས་སྐུར་རང་གི་རང་།། ཀུན་ཀྱང་མཉམ་ཉིད་ཡིན་པ་ལ།། ཁ་ཅིག་ཡང་དག་དོན་རྨོངས་པས།། ཡེ་ནས་རྫོགས་པའི་ཆ་རྐྱེན་ལ།། སྡོད་ཀྱི་རྫས་དང་ཆ་རྐྱེན་སོགས།། གཟའ་དང་རྒྱུ་སྐར
20b5 དུས་ཚིགས་དང་།། གནས་དང་དུས་དང་བདག་ལ་སོགས།། ཚོགས་པས་འབྲས་བུ་གྲུབ་པར་འདོད།། བསགས་ནས་ཚོགས་པའི་རྫས་དེ་དང་།། བསྒྲུབས་ནས་གྲུབ་པའི་འབྲས་བུ་དེ།། སངས་རྒྱས་ཐེག་པར་བགྲང་བ
20b6 མིན།། དཔར་ན་ལུས་ཉིད་གཅིག་པ་ལ།། ཡན་ལག་ལ་སོགས་ཆ་རྐྱེན་ཡང་།། རང་གི་སྟོབས་ཀྱིས་རང་ལ་རྫོགས།། དེ་བཞིན་སྣང་སྲིད་སེལ་མེད་པར།། ཆོས་ཉིད་ཆ་རྐྱེན་ངང་གིས་རྫོགས།། ཁམས་གསུམ་སྲིད
iiif viewer powered by OpenSeadragon
