| e-texts navigator |
| Wylie |
19b1 ན་གསུངས་སོ།། བགེགས་ཞེས་བྱ་བའི་མིང་ཡང་མི་སྲིད་དེ།། སྣང་སྲིད་ཡེ་ཤེས།། ཡེ་ཤེས་མ་ཡིན་པ་ནི་གཅིག་ཀྱང་མེད།། ཐམས་ཅད་ཀུན་ཏུ་བཟང་པོའི་ངང་དུ་གསལ།། ཁྱོད་ཀྱིས་དེ་ལྟར་ཁོང་དུ་ཆུད་པར
19b2 གྱིས།། གལ་ཏེ་ཐབས་དང་ཤེས་རབ་མ་ལྡན་ན།། ཡེ་ཤེས་ཆེན་པོའི་གཉིས་མེད་བྲལ་ན་ནི།། རྣམ་རྟོག་བདུད་ཀྱི་བར་དུ་བཅད་ནས་ནི།། འཁོར་བའི་བཙོན་རའི་ནང་དུ་བཅུག་ནས་ནི།། གཟུང་འཛིན་གཉིས་ཀྱི
19b3 ལྕགས་སྒྲོག་བཅུག་ནས་ནི།། རེ་དོགས་གཉིས་ཀྱི་ཚེར་ལྕག་ལས་སུ་འབྲལ།། ཟས་སུ་འདོད་ཆགས་ཞེ་སྡང་གཏི་མུག་བྱིན།། ནད་དུ་སྐྱེ་རྒ་ན་འཆིས་སྙིང་ལ་འཁོར།། གཟིགས་མོར་ཁམས་གསུམ་སྣང་བ་སྣ་ཚོགས
19b4 བསྟན།། ལས་སུ་སྡུག་བསྔལ་སྣ་ཚོགས་ཐར་མེད་བྱེད།། ཟོ་ཆུའི་ཁྱུད་མོ་བཞིན་དུ་གཅིག་ནས་གཅིག་ཏུ་འཁོར།། གཉིས་མེད་སྐྱབས་ཆེན་དེ་དང་མ་ཕྲད་ན།། ཐར་པའི་དུས་མཐའ་ནམ་ཡང་མི་འབྱུང་ངོ་།། དེ
19b5 བས་ཐབས་དང་ཤེས་རབ་ལྡན་པར་བྱོས།། བར་ཆད་བགེགས་ཆེན་བདག་གཞན་གཟུང་འཛིན་དེ།། གཉིས་མེད་ཐབས་དང་ཤེས་རབ་མེ་ཡི་དབྱིངས་སུ་བསྲེག། བློ་ལྡན་ཁྱོད་ཀྱིས་དེ་ལྟར་ཤེས་པར་གྱིས།། དེ་ལྟར
19b6 ཤེས་ནས་བགེགས་དང་བར་ཆད་བརླག། དེ་ལས་གཞན་དུ་བར་ཆད་སེལ་འདོད་པ།། དེ་ཉིད་བགེགས་ཆེན་ཡིན་པས་བགེགས་རྣམས་ཐམས་ཅད་འབྱུང་།། སེམས་དཔའ་ཁྱོད་ཀྱིས་གཉིས་མེད་ཡེ་ཤེས་སྟེན།། བློ
iiif viewer powered by OpenSeadragon
