| e-texts navigator |
| Wylie |
19a1 མཆོག་འདི་དང་མ་འབྲལ་ཅིག། གལ་ཏེ་རྫས་མཆོག་འདི་དག་བྲལ་ན་ནི།། བསྐལ་པར་སྡུག་བསྔལ་འཁོར་བར་འཁྱམས་ས་རེ།། སྒྲུབ་རྫས་ཀྱི་ཡི་གེའི་ལེའུ་སྟེ་བཅོ་ལྔ་པའོ།། །། བདག་མེད་སྤྲོས
19a2 བྲལ་དང་ལ་ཕྱག་འཚལ་ལོ།། ཐིག་ལེ་སྤྲོས་བྲལ་དང་ལ་གནས་ཙམ་ན།། བདག་གཞན་སྤྲོས་པའི་རྣམ་རྟོག་བགེགས་ཆེན་དེ།། ཕར་ལ་བསལ་བས་སོལ་བ་མ་ཡིན་ནོ།། ཐམས་ཅད་ཆོས་སྐུར་རང་གི་ངོ་བོར
19a3 གཞོམ།། ཐམས་ཅད་ཆོས་སྐུར་ངོ་བོ་གཅིག་པ་ལ།། བདག་གཞན་བར་ཆད་བགེགས་ཆེད་དེ་བྱུང་བས།། བགེགས་ཆེན་དེ་ཡི་ཐམས་ཅད་དབང་གྱུར་པས།། ཐམས་ཅད་བགེགས་སུ་མ་གྱུར་གང་ཡང་མེད།། དེ་བས
19a4 བདག་གཞན་འཛིན་པའི་བགེགས་དེ་བས།། གཞན་དུ་བགེགས་ནི་ནམས་ཀྱང་ཡོད་མ་ཡིན།། དེ་ཡོད་པ་ན་བགེགས་རྣམས་དེ་ལས་བྱུང་།། བདག་གཞན་གཉིས་ཀྱི་བགེགས་ཆེན་དེ།། རང་ལས་བྱུང་ཞིང་རང་གིས
19a5 བདུད།། བགེགས་དེ་ངེས་པར་འཇོམས་འདོད་ན།། ཐབས་དང་ཤེས་རབ་ལྡན་བྱས་ལ།། གཉིས་མེད་ཡེ་ཤེས་ཆེན་པོ་ཡིས།། མཉམ་ཉིད་ངང་དུ་ལྷན་ཅིག། ངང་དེ་ཉིད་ལ་ལྷན་ནེ་གཞག། གཉིས་མེད་ངང་དང་མ
19a6 བྲལ་ན།། བགེགས་དེ་སྡང་བར་ནུས་མ་ཡིན།། དེ་བས་གཉིས་མེད་མ་ཡེངས་པར།། བློ་ལྡན་བག་དང་ལྡན་པར་བྱོས།། བགེགས་ལ་སོགས་པའི་ཕྱོགས་རྣམས་ཐམས་ཅད་ཀུན།། ནམ་ཡང་འབྱུང་བར་སེམས་དཔས
iiif viewer powered by OpenSeadragon
