| e-texts navigator |
| Wylie |
18a1 འདུ་ཤེས་ཆོས་ཉིད་ངང་དུ་སངས།། བདག་མེད་རྟོགས་པས་ལྷག་མེད་ཆོས་སྐུར་རྒྱས།། བདག་གཞན་འདུ་ཤེས་ངང་གིས་ལོག་པ་ན།། ཡིད་ཀྱི་གཡོ་བ་རང་དབང་མེད་པར་ལྡོག། ཡིད་ཀྱི་གཡོ་བ་བྲལ
18a2 བ་བསྟན་པ་ལས།། གཞན་དུ་སངས་རྒྱས་སེམས་དཔས་མ་གསུངས་སོ།། དེ་ལས་གཞན་པའི་སངས་རྒྱས་ཡོད་པར་ནི།། ངེས་རྒྱུད་ཀུན་ཏུ་བཙལ་ཡང་རྙེད་མི་སྲིད།། དྲང་དོན་སངས་རྒྱས་རྣམ་གྲངས་བསམ་མི
18a3 ཁྱབ།། དེ་ནི་སེམས་ཅན་མོས་པ་བསྐྱེད་ཕྱིར་གསུངས། དེ་ནི་འཛམ་གླིང་བྱེ་བ་ཕྲག་བརྒྱར་ཡང་།། སྤྲུལ་པ་བསམ་ཡས་འགྲོ་དོན་མཛད་པར་གསུངས།། སེམས་ཅན་རང་རང་མོས་པ་ཇི་ལྟར་བར།། ཆོས་སྟོན་པ་ལ
18a4 སོགས་པ་འཚལ་བར་སྟོན།། དེ་ནི་དྲང་དོན་སངས་རྒྱས་ཡིན་པར་གསུངས།། ཞེས་སངས་རྒྱས་གདགས་གཞི་དང་བཅས་པའི་ཡི་གེའི་ལེའུ་སྟེ་བཅུ་བཞི་པའོ།། །། རྣམ་དག་སེམས་ཀྱི་དབྱིངས་ལ་ཕྱག་འཚལ
18a5 ལོ།། ཡང་དག་སངས་རྒྱས་སྒྲུབ་པའི་སྒྲུབ་རྫས་སུ།། རྫས་ཀྱི་རྒྱལ་པོར་རང་སེམས་ཁྱད་པར་འཕགས།། རང་སེམས་རྫས་ཀྱི་རྒྱལ་པོ་འདི་རྟོགས་ན།། ཕྱི་ནང་སྣོད་བཅུད་སྣང་སྲིད་ཐམས་ཅད་ཀུན།། མ་ལུས་རྫས་སུ
18a6 གྱུར་པས་སྒྲུབ་རྫས་ཆེ།། བློ་ཉིད་དངོས་པོར་གྱུར་པའི་རྣལ་འབྱོར་ལ།། སྣང་སྟོང་བདེ་སྡུག་རྣམ་རྟོག་ཅི་སྐྱེས་ཀྱང་།། ཐམས་ཅད་དེ་ཡི་རྫས་དེ་གུད་ན་མེད།། རང་བྱུང་ཡེ་ཤེས་ཡེ་ནས་གནས་པ་ལ།། རྟོག་པའི་ཡེ་ཤེས
iiif viewer powered by OpenSeadragon
