| e-texts navigator |
| Wylie |
17b1 དགོངས་པ་འདི་ལ་གཤེ་གྱུར་ན།། ནམ་མཁའ་ཇི་སྲིད་བར་དུ་ནི།། ཤི་བའི་འོག་ཏུ་དམྱལ་བར་འགྲོ།། ཞེས་གཟུང་འཛིན་སེམས་ཅན་དུ་བསྟན་པའི་ཡི་གེའི་ལེའུ་སྟེ་བཅུ་གསུམ་པའོ།། །། བཅོམ་ལྡན་འདས་ཆེ
17b2 བཙན་རྒྱལ་བའི་སྐུ་ལ་ཕྱག་འཚལ་ལོ།། བདག་མེད་རྣམ་གཉིས་རྟོགས་པའི་སངས་རྒྱས་དེ།། བྱ་བྱེད་རེ་དོགས་བྲལ་བས་སངས་རྒྱས་ཡིན།། བདག་གཞན་འཛིན་པ་ཆོས་སྐུའི་ངང་དུ་སངས།། ཤེས་པ་མེད་པའི་ཤེས
17b3 པ་བསྟན་པས་རྒྱས།། གཞི་ནི་བདག་གཞན་དབེན་པས་སངས།། དེ་བཞིན་རང་གི་རིག་པ་རྒྱས་པར་བཤད།། རང་བྱུང་ཆོས་སྐུ་སྤྲོས་པ་བྲལ་བས་སངས།། སྤྲོས་བྲལ་རྟོགས་པས་གདེང་དུ་གྱུར་པས་རྒྱས།། རྣམ་རྟོག
17b4 བདག་ཏུ་འཛིན་པ་སངས་པས་སངས།། མི་རྟོག་ཡེ་ཤེས་གཉིས་ནི་གསལ་བས་རྒྱས།། གཟུང་འཛིན་བག་ཆགས་མ་ལུས་ཀུན་སངས་ནས།། ཡེ་ཤེས་མཁའ་ལ་ཉི་མ་ཤར་བཞིན་རྒྱས།། སངས་རྒྱས་ཞེས་ཀྱང་དེ་ལ
17b5 བཏགས་པ་ཡིན།། རིག་པ་མེད་པའི་རིག་པ་ཤར་ཙམ་ན།། སྐོམ་དུ་མེད་པའི་སྒོམ་པ་ཤུགས་ཀྱིས་འབྱུང་།། ཐོབ་ཏུ་མེད་པའི་འབྲས་བུ་རང་དབང་མེད་པར་ཐོབ།། རང་དབང་མེད་པའི་འབྲས་བུའི་རྒྱལ་པོ་དེ།། རྡོ་རྗེ
17b6 མས་དཔས་སངས་རྒྱས་ཞེས་སུ་གསུངས།། ཡུལ་སེམས་འཁོར་བའི་སྡུག་ཆེན་སངས་པ་ཡིས།། སྣང་སྲིད་ཆོས་སྐུའི་ངང་དུ་རང་སངས་རྒྱས།། དེ་ལས་སངས་རྒྱས་ཞེས་སུ་སེམས་དཔས་གསུངས།། བདག་གཞན
iiif viewer powered by OpenSeadragon
