| e-texts navigator |
| Wylie |
16b1 བྲལ་དང་ལ་ཕྱག་འཚལ་ལོ།། ཆོས་སྐུ་ཡེ་ནས་རྣམ་པས་དབེན་པ་ལ།། བདག་དང་གཞན་དུ་འཛིན་པས་སེམས་ཅན་དེ།། པའམ་ཅན་ནི་ལྡན་པའི་སྒྲ།། བདག་ཏུ་འཛིན་པའི་སེམས་ཤེས་ཏེ།། གཞན་དུ་གཟུང་བས
16b2 ཅན་ཞེས་བྱ།། སེམས་ལ་སེམས་སུ་འཛིན་པས་ན།། སེམས་ཤེས་འཛིན་པའི་དོན་གྱིས་སོ།། དེ་ལ་གཟུང་བའི་ཡུལ་བྱུང་བས།། ཡུལ་ལ་ཅན་ཞེས་བཏགས་པའོ།། བདག་དང་གཞན་ཡོད་ཇི་བཞིན་དུ།། བྱ་བྱེད་ཡོད
16b3 པས་རྒྱལ་བས་གསུངས་བྱེད་པའི་ངོས་ནས་སེམས་ཞེས་བྱ།། བྱ་བའི་ངོས་ནས་ཅན་ཞེས་བྱ།། བདག་ཡོད་བར་དུ་ཕན་གནོད་ཡོད།། བདག་ཆའི་ངོས་ནས་ཅན་ཞེས་ཏེ།། འདོགས་བྱེས་ངོས་ནས་སེམས་ཞེས་ཏེ།། ཇི
16b4 སྲིད་བདག་ཡོད་བར་དུ་ན།། གཞན་མེད་ཟེར་བ་བླུན་པ་སྟེ།། ཚུར་ཀ་མེད་པའི་ཕར་ཀ་ནི།། རྨི་ལམ་ན་ཡང་མཐོང་བ་མེད།། བདག་ནི་ཤེས་བྱའི་སྒྲིབ་པ་སྟེ།། ཡུལ་ནི་ཉོན་མོངས་སྒྲིབ་པ་ཡིན།། སྒྲིབ་པ་ཅན་ཞེས་དེ
16b5 ལ་བཤད།། སེམས་ཅན་ཞེས་སུ་བསྟན་པ་ཡིན།། ཉན་ཐོས་ཨ་ནུ་མན་ཆོད་དུ།། ཐེག་པའི་བྱེ་བྲག་བསམ་ཡས་ཀྱང་།། སྒྲུབ་ནས་གྲུབ་པའི་འབྲས་བུ་དེ།། བསྒྲུབ་བྱ་བསྒྲུབ་བྱེད་ཡོད་པས་ན།། དེ་ཡང་ཡུལ་དང་ཡུལ
16b6 ཅན་མོད།། རེ་དོགས་བླང་དོར་མ་ལྡོག་པས།། རེ་ཡང་སེམས་ཅན་བློ་ཡིས་ཆོས།། གོང་གི་ཆོས་ལས་མ་འདས་པས།། བྱ་བྱེད་ཡོད་པ་ཇི་བཞིན་དུ།། སེམས་ཅན་ཡིན་པར་རྡོ་རྗེ་སེམས་དཔས་གསུངས།། གཟུང་འཛིན
iiif viewer powered by OpenSeadragon
