| e-texts navigator |
| Wylie |
15a1 དུམ་བུར་གནས་པས་སོ།། ཐམས་ཅད་ཆོས་ཉིད་དོན་ལ་སྡུད་པས་ཆུ།། ཡང་དགའ་འབྲས་བུ་སྨིན་པར་བྱེད་པས་མེ།། རང་གི་ངོ་བོ་བསྟན་པར་བྱེད་པས་ས།། འཁོར་བ་སངས་རྒྱས་ས་རུ་བསྐྱོད་པས
15a2 རླུང་།། རང་རིག་ཆོས་ཉིད་གསལ་བར་བྱེད་པས་མཁའ།། འབྱུང་ཆེན་འདུས་པའི་མན་ངག་ཐབས་ཆེན་འདི།། སྙིང་དང་འདྲ་བར་ཆོས་ལ་ཤོར་ར་རེ།། ཡུན་དུ་བརྟགས་ལ་བརྒྱ་ལ་འགའ་ལ་སྦྱིན།། འདི་ཡི་སྣོད་ལྡན
15a3 འཛམ་བུ་གླིང་ན་དཀོན།། སྣོད་མ་རྙེད་ན་མི་བསྟན་གཏེར་དུ་སྦའོ།། ཞེས་སེམས་ཅན་སྐྱོན་གྱི་རྩ་བར་བསྟན་པའི་ལེའུ་སྟེ་བཅུ་གཅིག་པའོ།། །། རྣམ་དག་ཡེ་ཤེས་སྐུ་ལ་ཕྱག་འཚལ་ལོ།། སངས་རྒྱས་ལེགས་པའི
15a4 འབྱུང་གནས་ཀུན་གྱི་གཞི།། བདག་ཉིད་གཉིས་མེད་རྟོགས་པའི་པ་ཆོས་ཀྱི་སྐུ།། གཟུགས་སྐུ་རྣམ་གཉིས་ལ་སོགས་ཡོན་ཏན་སྐུ།། མར་མེ་འོད་ཀྱི་ཚུལ་དེ་ལོགས་ན་མེད།། རེ་ཞིག་དྲང་པོའི་དོན་དུ་བྱེ་བྲག་བགྲང་བ
15a5 ཙམ།། བདག་ཏུ་འཛིན་པའི་ཤེས་པ་ལོགས་པ་ཡིས།། སྐྱེ་རྒ་ན་འཆིའི་ཆུ་བོ་རྩད་ནས་བཅད།། ཆོས་སུ་གཟུང་བའི་ཡུལ་དེ་ལོགས་ན་མེད།། ཉོན་མོངས་དུག་ལྔ་མ་གཅད་རང་ཉིད་ཆད།། སྐུ་གཞི་ཡེ་ཤེས་ལྔ་ཉིད་ལྷུན
15a6 གྱིས་གྲུབ།། སངས་རྒྱས་ཆེ་བའི་ཡོན་ཏན་བསམ་མི་ཁྱབ།། སྐུ་ཡི་དངོས་པོ་ཅི་ཡང་མི་མངའ་བར།། སྟོང་གསུམ་མ་ལུས་དབང་སྡུད་ཟིལ་གྱིས་གནོན།། གསུང་གི་དངོས་པོ་ཅི་ཡང་མི་མངའ་བར།། བསྟན་པ་མ་ལུས
iiif viewer powered by OpenSeadragon
