| e-texts navigator |
| Wylie |
13b1 བྱ་ཕྱིར་རོ།། འོ་ན་དོན་གྱི་ངོ་བོ་དེ།། བསམ་མི་ཁྱབ་ཏུ་གནས་པ་ཡིན།། སྣང་བ་དོ་ཙམ་ན་སྟོང་པ་བདོ།། སྟོང་བདོ་ཙམ་ན་སྣང་བ་བདོ།། སྨན་བདོ་ཙམ་ན་དུག་ཀྱང་བདོ།། དུག་བདོ་ཙམ་ན་སྨན་ཡང་བདོ།། སེམས
13b2 ཅན་བདོ་ན་སངས་རྒྱས་བདོ།། ཉོན་མོངས་བདོ་ན་ཡེ་ཤེས་བདོ།། གཅིག་དང་ཐ་དད་ཡིན་པས་ན།། གཅིག་དང་ཐ་དད་གྲོལ་བར་གསུངས།། དེ་བས་འཁོར་འདས་འབྲེལ་ཞིང་རྒྱ་མ་ཆད།། མཐའ་དངོས་མཐའ་བྲལ
13b3 ཀུན་དངོས་ཀུན་དང་བྲལ།། དེ་བས་ཡང་དག་ལྟ་བ་གཟའ་གཏད་བྲལ།། སེམས་ཅན་སངས་རྒྱས་ངོ་བོ་ཉིད་ཀྱི་འབྲེལ།། མ་རིག་རྐྱེན་གྱིས་ཐ་དད་པར་ཡང་གསུངས།། དེ་འདྲའི་དོན་ནི་སྐྱེས་ཆེན་སུ་འཆང་བ།། དགེ
13b4 སྡིག་གཉིས་ཀ་ཆེད་དུ་མི་བྱེད་དེ།། བྱས་ཀྱང་ཆོས་ཉིད་ངང་ལ་གཡོས་པ་ཅི་ཡང་མེད།། མི་གཡོ་མི་འགྱུར་ཡུལ་མེད་དབང་པོས་སྟོང་།། རྟོགས་པའི་དུས་སུ་མངོན་སངས་རྒྱས།། ཐོབ་བྱའི་འདོད་ཆགས་ངང་གིས
13b5 བྲལ།། དེ་མཐོང་ཐམས་ཅད་ཆོས་སྨྲ་བས།། དོགས་ཤིང་བག་ཆའི་ཞེ་སྡང་ཀ་ནས་དག། བཤུགས་ཀྱིས་དགྲ་ཟིན་འདུ་ཤེས་ལྡོག་པར་སྣང་།། ཐམས་ཅད་ངོ་བོ་རང་གི་དབྱིངས།། འདུ་ཤེས་ཐམས་ཅད་ཟད་པར
13b6 འབྱུང་།། བྱས་པ་ཐམས་ཅད་ངང་གིས་ལྡོག། དེ་འདྲའི་དྲོད་དང་ལྡན་ཙམ་ན།། བདུད་དང་ཐུན་མོངས་དངོས་གྲུབ་ཆེ།། ཅི་འདྲའི་ནུས་པ་འབྱུང་འགྱུར་ཡང་།། བདུད་དེ་ཆོས་ཉིད་ངང་དུ་བསྟིམ།། བར་དེ་ནན་ཏན་ཤིན
iiif viewer powered by OpenSeadragon
