| e-texts navigator |
| Wylie |
12a1 གྱུར་ཡང་།། ཉི་མའི་ངང་ལ་ཐ་དད་གཡོས་པ་མེད།། དེ་བཞིན་ཆོས་ཉིད་ངོ་བོ་གཅིག་པ་ཡང་།། བྱེད་པ་མེད་པས་ཅིར་ཡང་མ་འགགས་གསལ།། གསལ་ཡང་ཆོས་ཉིད་གཡོས་ཤིང་ཐ་དད་མེད།། དཔེར
12a2 ན་ནམ་མཁའ་ངོ་བོ་གཅིག་པ་ལ།། བྱེད་པ་མེད་པར་འབྱུང་ཆེན་བཞིར་ཡང་ཤར།། ཤར་ཡང་ནམ་མཁའ་གཡོས་ཤིང་ཐ་དད་མེད།། དེ་བཞིན་ཆོས་ཉིད་གནས་ལུགས་གཅིག་པ་ལ།། སྣང་གྲགས་ཆོས་སུ་མ་འགགས
12a3 གསལ་མོད་ཀྱང་།། ཆོས་ཉིད་གཡོས་ཤིང་ཐ་དད་ཅི་ཡང་མེད།། དཔེར་ན་ལུས་ཀྱི་ངོ་བོ་གཅིག་པ་ལ།། བྱེད་པ་མེད་པར་ཡན་ལག་སྣ་ཚོགས་ཤར།། ཤར་ཡང་ལུས་ལ་གཡོས་ཤིང་ཐ་དད་མེད།། ངོ་བོ་རྡོ་རྗེ་སེམས
12a4 དཔས་གཅིག་པར་གསུངས།། བྱེད་པ་མེད་པར་རང་ཉིད་རང་དུ་ཤར།། དཔེར་ན་རྒྱ་མཚོ་ཆེན་པོའི་ཚུལ་བཞིན་ནོ།། བུ་ཁྱོད་གཅིག་པའི་དོན་ལ་མ་སྨྲོས་ཤིག། ཐ་དད་འདུ་ཤེས་ཞུགས་པ་བདུད་ཀྱི་ལས།། དེ་བས
12a5 གཅིག་པའི་དོན་ལ་ནན་ཏན་གྱིས།། འདས་པའི་སངས་རྒྱས་གཅིག་པ་ཉིད་དུ་རྒྱལ།། ད་ལྷའི་སངས་རྒྱས་གཅིག་པ་ཉིད་ལ་གནས།། སླད་ཀྱིས་གདུང་འཚོ་བ་གཅིག་པར་ལུང་ཡང་སྟོན།། དེ་བས་གཅིག་པའི་དོན
12a6 འདིས་རྟོགས་པར་འགྱུར།། འཁོར་བའི་ཉོན་མོངས་མ་གཅད་ངང་གིས་ལོག། བཀའི་བུ་ཁྱོད་མ་ཡེངས་ཤིག། ད་དུང་བདུད་ཀྱི་སླུ་བ་བྱུང་བ་རེ།། ཞེས་འཁོར་འདས་ངོ་བོ་གཅིག་པའི་ཡི་གེའི་ལེའུ་སྟེ་བརྒྱད
iiif viewer powered by OpenSeadragon
