| e-texts navigator |
| Wylie |
11b1 པར་བགྲང་བ་མིན།། དེ་ལས་སྐྱོན་དུ་ཤེས་པར་གྱིས།། སྐྱོན་གྱི་རྩ་བ་རེ་དོགས་ཡིན།། རེ་དོགས་གཟུང་འཛིན་མ་ཡིན་པའི།། སྐྱོན་ཞེས་བྱ་བར་རྙེད་པ་ནི།། རྡོ་རྗེ་སེམས་དཔས་མ་གསུངས་སོ།། ཇི་སྲིད་བྱ་བྱེད་རེ
11b2 དོགས་ཀྱི། འདུ་ཤེས་ལོག་པར་མ་གྱུར་པར།། འབྲས་བུ་སངས་རྒྱས་ཐོབ་པར་ནི།། རྨི་ལམ་ན་ཡང་མཐོང་བ་མིན།། དེ་བས་ཁྱེད་ཀྱིས་དེ་ལྟར་ཤེས་པར་གྱིས།། ཤེས་ནས་ཉོན་མོངས་དབང་གིས་མ་ཡེངས
11b3 པར།། རང་གི་རྟོགས་པ་ཇི་བཞིན་རླུང་དུ་གྱིས།། སྐལ་མེད་མོས་པ་བཟློག་པའི་སྡིག་པ་རི་བས་ལྕི།། སྐལ་ལྡན་བཟློག་པའི་རྒྱ་མཚོར་ཆར་མི་ཕོད།། དེ་བས་གསང་སྔགས་གདམ་ངག་ཚོད་གཟུང་ཤིན་ཏུ་དཀའ།། དེ
11b4 བས་ཡུན་དུ་བསྲིངས་ལ་གང་ཟག་བརྟག། རྟོགས་ནས་བརྩོན་འགྲུས་བསྐྱེད་ལ་གདམ་ངག་བསྟན།། ཅིས་འོག་མ་སྐྱོན་གྱི་རྩ་བ་དག་མ་བྲལ་བའི་ཡི་གེའི་ལེའུ་སྟེ་བདུན་པའོ།། །། བཅོམ་ལྡན་འདས་རྣམ་དག
11b5 སེམས་ཀྱི་དབྱིངས་ལ་ཕྱག་འཚལ་ལོ།། སེམས་ཅན་སངས་རྒྱས་ངོ་བོ་གཅིག་པ་ཡིན།། དོན་ནི་ཆོས་ཉིད་ངང་དུ་གཅིག་པ་ཡིན།། དཔེ་ནི་ནམ་མཁའི་ངང་དུ་གཅིག་པ་ཡིན།། རྟགས་ནི་སེམས་ཉིད་ངང་དུ་གཅིག་པ
11b6 ཡིན།། དང་པོ་རྒྱུ་མེད་པས་ན་གཅིག་པ་ཡིན།། བར་དུ་རྐྱེན་མེད་པས་ན་གཅིག་པ་ཡིན།། ཐ་མ་གཉེན་པོ་མེད་པས་གཅིག་པ་ཡིན།། དཔེར་ན་ཉི་མའི་སྙིང་པོ་གཅིག་པ་ལ།། འོད་ཀྱི་འཇིག་རྟེན་ཁམས་གསུམ་གསལ
iiif viewer powered by OpenSeadragon
