| e-texts navigator |
| Wylie |
11a1 པར་འདོད།། ཁོང་པར་དུག་ཟོས་ལུས་ལ་བདེ་བར་འདོད།། འདོད་ཀྱང་བདེ་བ་མི་མྱོང་སྡུག་བསྔལ་མྱོང་བར་འགྱུར།། རེ་དོགས་མ་ཟད་བར་དུ་གྲོལ་བ་ཐོབ་མི་སྲིད། ཨ་ནུ་དབྱིངས་དང་ཡེ་ཤེས་སྒོར
11a2 ཞུགས་ནས།། གཉིས་མེད་བདེ་བ་ཇི་བཞིན་བློ་འཇོག་འདོད།། དེ་ཡང་ཉོན་མོངས་རྫོགས་ཆེན་མཐོང་བ་མིན།། མ་ཧཱ་ཐབས་དང་ཤེས་རབ་སྒོར་ཞུགས་ནས།། བསྙེན་བསྒྲུབ་བཞི་ཡིས་སྐུ་ལྔ་ཐོབ་པར་འདོད།། དེ
11a3 ཡང་ཉོན་མོངས་རྫོགས་ཆེན་མཐོང་བ་མིན།། ཡོ་ག་ཆོ་ག་དགུ་སྒོ་ནས།། འབྲས་བུ་སངས་རྒྱས་ཐོབ་པར་འདོད་ཅིང་རྩོལ།། ཨུ་པ་ཡ་ཡི་ལྟ་སྤྱོད་ནི།། ཀྲི་ཡར་སྤྱོད་ཅིང་ཡོ་ག་སྒྲུབ།། འབྲས་བུ་སྐུ་གསུམ་ཡེ་ཤེས
11a4 སྒྲུབ།། བྱ་སྤྱོད་པ་ཡི་ཀྲི་ཡ་ནི།། དག་པ་རྣམ་གསུམ་སྒོར་ཞུགས་ནས།། རིགས་གསུམ་སངས་རྒྱས་གྲུབ་པར་འདོད།། མདོ་སྡེ་བྱང་ཆུབ་སེམས་དཔའི་ཐེག་པ་ནི།། བདེན་པ་གཉིས་ཀྱི་སྒོར་ཞུགས་ནས།། ཀུན་ཏུ་འོད
11a5 ཀྱི་ས་ཐོབ་འདོད་པའོ།། ཤེས་པ་འགེགས་པའི་རང་རྒྱལ་ནི།། རྟེན་འབྲེལ་བཅུ་གཉིས་སྒོར་ཞུགས་ནས།། ཡིད་བཞིན་བདེ་བ་མཆོག་ཐོབ་འདོད།། སྡུག་བསྔལ་སྤོང་བའི་ཉན་ཐོས་ནི།། བདེན་པ་བཞི་ཡི་སྒོར་ཞུགས
11a6 ནས།། དགྲ་བཅོམ་འབྲས་བུ་ཐོབ་པར་འདོད།། འདོད་པ་མ་ཟད་བར་དུ་ནི།། ཉོན་མོངས་ཟད་པར་མི་འགྱུར་ཏེ།། ཉོན་མོངས་འབྲས་བུ་ཁམས་གསུམ་ཡིན།། འདུས་བྱས་རྟེན་འབྲེལ་འབྲས་བུ་དེ།། སངས་རྒྱས་ཐེག།
iiif viewer powered by OpenSeadragon
