| e-texts navigator |
| Wylie |
96a1 པའོ།། རིན་པོ་ཆེ་རྒྱས་པ་ཆེན་པོའི་མདོ་ལས། ཆོས་སྐུ་རང་སྣང་བའི་ལེའུ་སྟེ་གསུམ་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང
96a2 བཞིན་ལྷུན་གྲུབ་ཡེ་ཤེས་མིང་མེད་ལ།། རང་བྱུང་ཡེ་ཤེས་མིང་བཏགས་ཇི་ལྟ་བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བཞིན་ལྷུན་གྲུབ་རང་བཞིན་མིང
96a3 མེད་ལ།། རང་འབྱུང་ཡེ་ཤེས་རང་སྣང་མིང་བཏགས་པ།། ཡེ་ཤེས་རང་རིག་མི་འགྱུར་མི་གཡོ་བ།། མི་འགྲོ་མ་འོངས་མ་སོང་མ་བྱུང་བ།། མ་བཅིངས་མ་སྒྲོལ་མི་འཇིགས་མ་ཞིག་པ།། མི་རྟོག་མི་སྤྱོད་མི་ཤེས་མི་གོ
96a4 བ།། མ་གཟུང་མི་འཛིན་མི་ཚོལ་མི་སྡོད་པ།། མི་སྒྲིབ་མི་ལྟ་མ་དག་མ་གྲོལ་བ།། མི་སྒྲུབ་མ་བསྒྲུབས་མ་གྲུབ་མ་ཐོབ་པ།། མི་གསུང་མི་སྨྲ་མི་ཚིག་མ་བརྗོད་པ།། མ་བྱས་མ་ཟིན་མ་ནུས་མ་ཐུབ་པ།། མ་ལོག་མི་ལྡོག
96a5 མ་ཤར་མ་ནུས་པ།། མི་འཇོམས་མི་འཕྲོག་མ་ཁྱེར་མ་ཆོམས་པ།། མི་གནས་མི་རྟེན་མི་འདུག་མ་ཆགས་པ།། མི་སྒོམ་མ་བསྒོམས་མི་དམིགས་མ་ཡེངས་པ།། མ་བྱང་མ་ཆུབ་མ་སངས་མ་རྒྱས་པ།། མ་འགགས་མ
96a6 སྐྱེས་མ་བཅོས་མ་སྤྲོས་པ།། མ་བགྲོད་མ་བསམས་མ་མཚོན་མ་འཁྲུལ་པ།། མི་སྟོན་མ་བསྟན་མི་སྡུད་མི་བསྟོད་པ།། མ་འཕེལ་མི་འགྲིབ་མི་སྣང་མི་སྟོང་པ།། མ་བླང་མི་དོར་མི་གཞལ་མ་བླུགས་པ།། མི་ཟག་མི་སྩོལ
iiif viewer powered by OpenSeadragon
