| e-texts navigator |
| Wylie |
94a1 སྣོད་ཀྱི་ཚུལ་དེ་ཆོས་སྐུ་འདྲ།། ཉི་མའི་ཟེར་དང་ཤེལ་གྱི་རྒྱུས་པ་ནི།། རང་རིག་བཅུད་ཀྱི་ཚུལ་དེ་ཡེ་ཤེས་འདྲ།། ཆོས་ཀྱི་སྐུ་དང་རང་བྱུང་ཡེ་ཤེས་གཉིས།། དབྱེར་མེད་གཅིག་སྟེ་ཤེལ་གྱི་བརྒྱུས་པ
94a2 འདྲ།། དེ་འདྲ་དེ་ནི་ལྟ་བ་ཀུན་གྱི་མཆོག། ལྟར་མེད་མཐོང་བས་གསལ་བ་ཆེན་པོའི་ལམ།། བྱས་མེད་ཟིན་པས་བདེ་བ་ཆེན་པོའི་ལམ།། བགྲོད་མེད་མ་བགྲོད་ཕྱིན་པས་བདེ་བའི་ལམ།། སྒྲུབ་མེད་མ་བསྒྲུབས
94a3 བསྒྲུབས་པས་བསྒྲུབས་པའི་ལམ།། གྲུབ་མེད་མ་གྲུབ་གྲུབ་པས་འབྲས་བུའི་ལམ།། དག་མེད་མ་དག་དག་པས་དག་པའི་ལམ།། གྲོལ་མེད་མ་གྲོལ་གྲོལ་བས་གྲོལ་བའི་ལམ།། སངས་མེད་མ་སངས་སངས་པས
94a4 སངས་རྒྱས་ལམ།། དེ་འདྲ་བྱང་ཆུབ་སེམས་ཀྱི་རང་བཞིན་འདི།། རང་བཞིན་ལྷུན་གྱིས་གྲུབ་པས་ལྷུན་གྱིས་གྲུབ།། རང་བཞིན་ལྷུན་གྲུབ་ཆོས་སྐུའི་ངང་ཉིད་ལས།། རང་བྱུང་བྱུང་བས་རང་བྱུང་ཡེ་ཤེས་ཏེ།། རང་བྱུང
94a5 ཡེ་ཤེས་བདག་ཉིད་ཆེན་པོ་ནི།། ཀུན་ཁྱབ་མིང་མེད་ནམ་མཁའ་རང་གསལ་ལྷ།། ནམ་མཁའ་རང་གསལ་ཀུན་གྱི་གོ་འབྱེད་པས།། ཆོས་རྣམས་ཐམས་ཅད་ནམ་མཁའི་ངང་ལས་བྱུང་།། ནམ་མཁའ་ལས་བྱུང་ནམ
94a6 མཁའ་ལས་མ་འདས།། ནམ་ནི་རང་གསལ་འགྱུར་མེད་ཆོས་ཀྱི་སྐུ།། མཁའ་ནི་རང་བྱུང་ཡེ་ཤེས་མི་འགྱུར་བ།། གཉིས་མེད་ནམ་མཁའ་ཆེན་པོའི་རང་བཞིན་ཏེ།། ནམ་མཁའ་འདི་ཉིད་ཡིན་ཏེ་ལྟ་བའི་མཆོག། ལྟ
iiif viewer powered by OpenSeadragon
