| e-texts navigator |
| Wylie |
92b1 བསྟན་པ་རྣམ་གསུམ་ནི།། ཡན་ལག་རྩལ་གྱི་ཆོས་རྣམས་ཐམས་ཅད་ཀུན།། དེ་བཞིན་ཉིད་ཀྱི་ཆོས་སྐུ་བསྟན་པའོ།། ཡན་ལག་རྩལ་གྱི་ཆོས་རྣམས་ཐམས་ཅད་ཀུན།། ལོངས་སྤྱོད་རྫོགས་སྐུའི་ངོ་བོ་ཉིད་དུ
92b2 བསྟན།། ཡན་ལག་རྩལ་གྱི་སེམས་ཅན་སོ་སོར་ལ།། རང་རང་སྦྲུལ་སྐུ་རང་རང་ངག་གི་སྒྲས།། རང་རང་ཡུལ་ལ་ཞེན་པ་དེ་བཟློག་ནས།། སོ་སོར་གང་འཐད་དོན་རྣམས་དེ་བསྟན་པའོ།། ཕུན་སུམ་ཚོགས་པ་མིང
92b3 མེད་མིང་བཏགས་པ།། ཡེ་ཤེས་སེམས་སྟོན་འགག་མེད་མ་འགགས་སྟོན།། ཡེ་ཤེས་སེམས་ཀྱི་འཁོར་ནི་གྲངས་མེད་འཁོར།། སྣོད་བཅུད་གཉིས་མེད་གནས་ནི་འོག་མིན་གནས།། སྐྱེ་མེད་མ་སྐྱེས་གཉིས་མེད་དུས་ནི
92b4 དུས་གསུམ་གཅིག། བསྟན་མེད་མ་བསྟན་དབྱེར་མེད་བསྟན་པའོ།། སྟོན་འཁོར་གནས་དུས་བསྟན་པ་ཕུན་སུམ་ཚོགས།། ཕུན་སུམ་ཚོགས་པའི་གླེང་གཞིའི་ཆོས་རྣམས་རྫོགས།། རིན་པོ་ཆེ་རྒྱས་པ་ཆེན་པོའི་མདོ
92b5 ལས།། གླེང་གཞིའི་ལེའུ་སྟེ་དང་པོའོ།། །། སྡུད་པའི་གསང་དབང་རྡོ་རྗེ་སེམས་དཔའ་ཡིས།། སྟོན་པའི་སྟོན་པ་ཀུན་ཏུ་བཟང་པོ་ལ།། རང་བཞིན་ལྷུན་གྱིས་གྲུབ་པའི་ངོ་བོ་འདི།། སྤྱི་དང་ཁྱད་པར་ངོ་བོ་ཇི་ལྟ
92b6 བུ།། སྟོན་པའི་སྟོན་པ་ཀུན་ཏུ་བཟང་པོ་ཡིས།། སྡུད་པའི་གསང་དབང་རྡོ་རྗེ་སེམས་དཔའ་ལ།། སྤྱི་ཡི་རང་བཞིན་ངོ་བོ་རྣམ་གཉིས་ཏེ།། སྤྱི་ཡི་སྤྱི་དང་སྤྱི་ཡི་ཁྱད་པར་རོ།། སྤྱི་ཡི་སྤྱི་ཡི་རང་བཞིན་ངོ་བོ་ཡང་།། ཐམས
iiif viewer powered by OpenSeadragon
