| e-texts navigator |
| Wylie |
92a1 མིང་བཏགས་པ།། རྩལ་གྱི་རང་བཞིན་སྟོན་པའི་སྟོན་པ་ནི།། ཡན་ལག་རྩལ་གྱི་ཆོས་རྣམས་ཐམས་ཅད་ཀུན།། ཆོས་ཉིད་དེ་བཞིན་ཉིད་དུ་སྟོན་པར་བྱེད།། ཆོས་ཀྱི་ངོ་བོ་སྟོན་པའི་སྟོན་པ་ཡང་།། ཡན
92a2 ལག་རྩལ་གྱི་ཆོས་རྣམས་ཐམས་ཅད་ཀུན།། སྟོན་པ་ཉིད་ཀྱི་སྐུ་རུ་བྱུང་ནས་ཀྱང་།། སྐུ་ཡི་ངོ་བོ་དེ་ལས་མེད་པར་སྟོན།། ཆོས་ཀྱི་སྒྲ་ཚིག་སྟོན་པའི་སྟོན་པ་ནི།། ཡན་ལག་རྩལ་གྱི་དོན་ནི་སྒྲར་བསྡུས་ཏེ།། དངོས་པོར
92a3 སྣང་བའི་མ་རིག་སེམས་ཅན་ལ།། དོན་དེ་སྒྲ་དང་ཚིག་གིས་བསྡེབས་ནས་སྟོན།། བྱུང་ནས་གནས་པའི་འཁོར་ཀྱང་རྣམ་པ་གསུམ།། གནས་པའི་རང་བཞིན་རྣམ་དག་ཆོས་སྐུའི་འཁོར།། ལོངས་སྤྱོད་རྫོགས་སྐུ
92a4 རིགས་ལྔའི་ངོ་བོ་འཁོར།། རིགས་དྲུག་སེམས་ཅན་སྤྲུལ་པའི་སྐུ་ཡི་འཁོར།། བྱུང་ནས་གནས་པའི་གནས་ཀྱང་རྣམ་པ་གསུམ།། ཡན་ལག་རྩལ་གྱི་ཆོས་རྣམས་ཐམས་ཅད་ལ།། སྐྱེ་མེད་རང་གནས་ཆོས་ཀྱི་སྐུ་ཡི
92a5 གནས།། ཡན་ལག་རྩལ་གྱི་ཆོས་རྣམས་ཐམས་ཅད་ལ།། ཡེ་ཤེས་དང་གནས་ལོངས་སྤྱོད་རྫོགས་སྐུའི་གནས།། ཡན་ལག་རྩལ་གྱི་ཆོས་རྣམས་ཐམས་ཅད་ཀུན།། སོ་སོ་རང་རང་ཁྱད་པར་སྤྲུལ་སྐུའི་གནས།། བྱུང་ནས
92a6 གནས་པའི་དུས་ཀྱང་རྣམ་པ་གསུམ།། དུས་གསུམ་དབྱེར་མེད་བསྟན་པ་ཆོས་སྐུའི་དུས།། སྐུ་ཡི་ངོ་བོར་བསྟན་པ་ལོངས་སྤྱོད་རྫོགས་པའི་དུས།། སྒྲ་ཚིག་སོ་སོར་བསྟན་པ་སྦྲུལ་སྐུའི་དུས།། བྱུང་ནས་གནས་པའི
iiif viewer powered by OpenSeadragon
