| e-texts navigator |
| Wylie |
91b1 ཚོགས།། སེམས་ཀྱི་ཆོས་སྐུ་རིག་མེད་གནས་པ་དང་།། སེམས་ཀྱི་ཡེ་ཤེས་རང་རིག་གནས་པ་གཉིས།། རིག་མེད་རང་རིག་གཉིས་མེད་གནས་དང་གསུམ།། བྱུང་བའི་གཞི་གསུམ་གནས་པ་ཕུན་སུམ
91b2 ཚོགས།། སེམས་ཀྱི་ཆོས་སྐུ་སྐྱེ་མེད་དུས་ཉིད་དང་།། སེམས་ཀྱི་ཡེ་ཤེས་མ་སྐྱེས་དུས་ཉིད་གཉིས།། སྐྱེ་མེད་མ་སྐྱེས་དབྱེར་མེད་དུས་དང་གསུམ།། བྱུང་བའི་གཞི་བཞི་དུས་གསུམ་ཕུན་སུམ་ཚོགས།། སེམས་ཀྱི་ཆོས
91b3 སྐུ་བསྟན་མེད་བསྟན་པ་དང་།། སེམས་ཀྱི་ཡེ་ཤེས་མ་བསྟན་བསྟན་པ་གཉིས།། བསྟན་མེད་མ་བསྟན་དབྱེར་མེད་བསྟན་པ་གསུམ།། འབྱུང་བའི་གཞི་ལྔ་བསྟན་པ་ཕུན་སུམ་ཚོགས།། བྱུང་དང་བྱུང་ནས་གནས་པ
91b4 མིང་མེད་ལ།། བྱུང་དང་བྱུང་གནས་ཕུན་སུམ་ཚོགས་པའི་མིང་།། ཡེ་ཤེས་སེམས་བྱུང་བྱུང་ནས་གནས་པ་དེ།། འགག་མེད་མ་འགགས་གཉིས་མེད་གནས་སྟོན་པ།། ཡེ་ཤེས་སེམས་བྱུང་བྱུང་ནས་གནས་པ
91b5 ཡང་།། ཆོས་སྐུ་ཡེ་ཤེས་གཉིས་མེད་གནས་པའི་འཁོར།། ཡེ་ཤེས་སེམས་བྱུང་བྱུང་ནས་གནས་པ་དེ།། རིག་མེད་རང་རིག་དབྱེར་མེད་གནས་པའི་གནས།། ཡེ་ཤེས་སེམས་བྱུང་བྱུང་ནས་གནས་པ་ཡང་།། སྐྱེ་མེད་མ
91b6 སྐྱེས་གཉིས་མེད་གནས་པའི་དུས།། ཡེ་ཤེས་སེམས་བྱུང་བྱུང་ནས་གནས་པ་ཡང་།། མཚོན་མེད་མཚོན་གཉིས་མེད་གནས་བསྟན་པའོ།། བྱུང་ནས་གནས་པ་ཕུན་སུམ་མིང་མེད་ལ།། གནས་པའི་ཕུན་སུམ་ཚོགས་པའི
iiif viewer powered by OpenSeadragon
