| e-texts navigator |
| Wylie |
90b1 སྡུད་མེད་འཁོར་ཉིད་དང་།། རང་བྱུང་ཡེ་ཤེས་མི་སྡུད་འཁོར་ཉིད་གཉིས།། སྡུད་མེད་མི་སྡུད་དབྱེར་མེད་འཁོར་དང་གསུམ།། རང་བཞིན་གཞི་གཉིས་འཁོར་གསུམ་ཕུན་སུམ་ཚོགས།། རང་བཞིན་ཆོས་སྐུ་རིག་མེད
90b2 སྣོད་གནས་དང་།། རང་བྱུང་ཡེ་ཤེས་རང་རིག་བཅུ་གནས་གཉིས།། རིག་མེད་རང་རིག་གཉིས་མེད་གནས་དང་གསུམ།། རང་བཞིན་གཞི་གསུམ་གནས་གསུམ་ཕུན་སུམ་ཚོགས།། རང་བཞིན་ཆོས་སྐུ་སྐྱེ་མེད་དུས
90b3 ཉིད་དང་།། རང་བྱུང་ཡེ་ཤེས་མ་སྐྱེས་དུས་ཉིད་གཉིས།། སྐྱེ་མེད་མ་སྐྱེས་དབྱེར་མེད་དུས་དང་གསུམ།། རང་བཞིན་གཞི་བཞི་དུས་གསུམ་ཕུན་སུམ་ཚོགས།། རང་བཞིན་ཆོས་སྐུ་དབྱེར་མེད་བསྟན་པ་དང་།། རང་བྱུང
90b4 ཡེ་ཤེས་མི་གསུང་བསྟན་པ་གཉིས།། གསུང་མེད་མི་གསུང་གཉིས་མེད་བསྟན་པ་གསུམ།། རང་བཞིན་གཞི་ལྔའི་བསྟན་པ་ཕུན་སུམ་ཚོགས།། རང་བྱུང་ཡན་ལག་ཡེ་ཤེས་ཡེ་ཤེས་ཟེར།། གཡོ་དང་མི་གཡོ་ཕྲ་རབ
90b5 ཟེར་གཡོས་པ།། ཟེར་གྱི་རང་བཞིན་མ་འགགས་ཟེར་ཤེས་ལ།། ཡེ་ཤེས་ཟེར་ལས་བྱུང་བའི་སྟོན་པ་འབྱུང་།། ཟེར་གྱི་ཆོས་སྐུ་འགག་མེད་སྟོན་པ་དང་།། ཟེར་གྱི་ཡེ་ཤེས་མ་འགགས་སྟོན་པ་གཉིས།། འགག་མེད་མ
90b6 འགགས་དབྱེར་མེད་སྟོན་པ་གསུམ།། འབྱུང་བའི་བཞི་གཅིག་སྟོན་པ་ཕུན་སུམ་ཚོགས།། ཟེར་གྱི་ཆོས་སྐུ་སྡུད་མེད་འཁོར་ཉིད་དང་།། ཟེར་གྱི་ཡེ་ཤེས་མི་སྡུད་འཁོར་ཉིད་གཉིས།། སྡུད་མེད་མི་སྡུད་གཉིས་མེད
iiif viewer powered by OpenSeadragon
