| e-texts navigator |
| Wylie |
90a1 རྒྱ་གར་སྐད་དུ། བོ་དྷི་ཙིཏྟ་རཏྣ་པུཥྚི་མ་ཧཱ་སུ་ཏྲ། བོད་སྐད་དུ། བྱང་ཆུབ་ཀྱི་སེམས་རིན་པོ་ཆེའི་རྒྱུད་རྒྱས་པ་ཆེན་པོའི་མདོ།། བཅོམ་ལྡན་འདས་བདེ་བ་ཆེན་པོའི་ངང་ལྷུན་གྱིས་གྲུབ་པའི་སྐུ་ལ་ཕྱག
90a2 འཚལ་ལོ།། ཐོག་མ་ཐ་མ་མེད་པས་ཀུན་གྱི་གཞི།། ཚིག་དང་ཡུམ་ལས་འདས་པའི་སྙིང་པོ་ཉིད།། དངོས་པོ་མཚན་མ་དག་ལས་རྣམ་པར་གྲོལ།། རང་བཞིན་ལྷུན་གྱིས་གྲུབ་པའི་ཐིག་ལེའི་གློང་།། ཡེ་ཁྱབ་ཀུན་ཏུ་ཁྱབ
90a3 པ་བདག་ཆེན་པོ།། རྨད་དུ་བྱུང་བའི་མཛོད་ཆེན་མི་ཟད་པ།། གསང་བའི་དཀྱིལ་འཁོར་རྒྱ་ཡོངས་མ་ཆད་པ།། ཆོས་དབྱིངས་ཕོ་བྲང་བརྡལ་བའི་གཞལ་ཡས་ན།། ཡེ་སངས་རྒྱས་པའི་སྟོན་པ་ཀུན་བཟང་ལ།། ཐ་དད
90a4 མེད་པའི་རྡོ་རྗེ་སེམས་དཔའ་དེས།། གླེང་བའི་གཞི་མེད་གླེང་གཞི་ཀུན་གྱི་མིང་།། རང་བཞིན་བཞི་ལྔ་ཕུན་སུམ་ཚོགས་ལྔའི་མིང་།། འབྱུང་ལྔ་བྱུང་ལྔ་ཕུན་སུམ་ཚོགས་པའི་མིང་།། བྱུང་ནས་གནས་པའི་ཕུན་སུམ
90a5 ཚོགས་པའི་མིང་།། ཕུན་སུམ་ཚོགས་པའི་མིང་བཏགས་ཇི་ལྟ་བུ།། ཡེ་སངས་རྒྱས་པའི་སྟོན་པ་ཀུན་བཟང་གིས།། ཐ་དད་མེད་པའི་རྡོ་རྗེ་སེམས་དཔའ་ལ།། གླེང་གཞིའི་མིང་མེད་གླེང་གཞི་མིང་བཏགས་པ།། རང
90a6 བཞིན་ཆོས་སྐུ་འགག་མེད་སྟོན་པ་དང་།། རང་བྱུང་ཡེ་ཤེས་མ་འགགས་སྟོན་པ་གཉིས།། འགག་མེད་མ་འགགས་གཉིས་མེད་སྟོན་པ་གསུམ།། རང་བཞིན་གཞི་གཅིག་སྟོན་པ་ཕུན་སུམ་ཚོགས།། རང་བཞིན་ཆོས་སྐུ
iiif viewer powered by OpenSeadragon
