| e-texts navigator |
| Wylie |
8a1 མཆོད་པ་རྒྱས་པར་བྱ།། མ་མོ་བཅུ་རྣམས་གྱེར་ལ་གཏང་།། འབྲིང་དུ་དབང་ཕྱུག་ཟོར་མདོས་ནི།། སྨན་གཏོར་མེ་མར་ཉི་ཤུ་བརྒྱད།། ཕྱི་ནས་མཆོད་པ་རྒྱས་པར་བྱ།། དཔའ་བོ་བཅུ་རྣམས་གྱེར་ལ
8a2 གཏང་།། ཐ་མ་དཔོན་གཡོག་གསུམ་པ་ནི།། སྨན་གཏོར་ལུགས་བྱ་གསུམ་གསུམ་དགོད།། ཕྱི་ནང་མཆོད་པ་རྒྱས་པར་བྱ།། ལྷ་མོ་བཅུ་རྣམས་གྱེར་ལ་གཏང་།། གློ་བའི་རྩ་ནི་སྟོང་ལ་རྒྱལ།། དབུགས་ཁ་རྒོད་ལ་རོ།
8a3 སྟོད་བརྒྱངས།། བཟང་དྲུག་སྦྲང་རྒོད་ལ་སོགས་གཏང་།། གདོན་དུ་སྲིད་པའི་བདུད་བཅོས་ཏེ།། གཏོར་མ་ཉི་ཤུ་རྩ་ལྔ་གཏང་།། དཔའ་བོ་བཅུ་རྣམས་གྱེར་ལ་གཏང་།། སྙིང་གི་རྩ་ནི་དྲག་ལ་མྱུར།། མིག་རྩ་དྲུང་ལ
8a4 ཤེས་པ་འཕྱོ།། རོ་སྟོད་ཟེར་ལ་ཡན་ལག་གྱོང་།། ལུག་ཤ་ཆང་དང་མེ་རྩ་གདབ།། འབྲས་བུ་གསུམ་གྱི་སྨན་མར་གཏང་།། བཙན་དང་རྒྱལ་པོ་གདོན་བཅོས་ཏེ།། གཏོར་མ་མར་མེ་ཉི་ཤུ་ལྔ།། དཔའ་བོ་བཅུ་རྣམས
8a5 གྱེར་ལ་གཏང་།། མཆེར་པའི་རྩ་ནི་ཕྲ་ལ་གྲིམས།། ས་བདག་སྐྱེས་བུའི་ནད་ཡིན་ཏེ།། ཡན་ལག་སྐེ་འཇིང་ཆུ་སོར་འབབ།། ཆུ་གཏོར་ཚྭ་ཚ་མེ་མར་གཏང་།། དཔའ་བོ་བཅུ་རྣམས་གྱེར་ལ་གཏང་།། རྩ་བ་ལྔ་ཡི་སྨན
8a6 མར་གཏང་།། ཆུ་གཏོར་དཀར་གཏོར་སྟོང་སྟོང་ནི།། ཟླ་གསུམ་བར་ཆད་མེད་པར་གཏང་།། ལྷ་མོ་བཅུ་རྣམས་གྱེར་ལ་གཏང་།། དམ་རྫས་དུག་སྣ་དྲི་ཆུ་ལ།། སྦྱིན་སྲེག་མཆོད་པ་རྒྱས་པར་བྱ།། མཁལ་མའི་རྩ་ནི་སྟོང
iiif viewer powered by OpenSeadragon
