| e-texts navigator |
| Wylie |
86b1 ལ་སྟོན།། ཐུགས་ཀྱི་དགོངས་པ་འགྲོ་བ་ཀུན་ལ་འཆར།། སྟོན་པའི་དགོངས་པ་ལོངས་གྱུར་ནས།། ཐུགས་ལ་ཐུགས་འདྲེས་བཅུད་ལ་བཅུད་གབ་འགྱུར།། དེ་ནས་འགྲོ་བས་རྟོགས་ནས་གྲོལ་བར་འགྱུར།། ཞེས་སེང
86b2 གེ་སྒྲའི་དགོངས་པ་ལས།། མཁྱེན་ཚད་དང་ཐུགས་རྗེ་འབྱུང་ཚུལ་གྱི་ལེའུ་སྟེ་གྱ་དགུ་པའོ།། ། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཐུགས་རྗེ་སྦྲུལ་སྐུ་མྱ་ངན་ཇི་ལྟར་འདའ།། བཀའ་སྩལ་པ། དེ་ནས་སྐད་ཅིག
86b3 དྲུག་པ་ལ།། ཡེ་ཤེས་རླུང་གི་སྟོབས་ལྡན་གྱིས།། དང་པོ་གཟུགས་སྐུ་ཆོས་སྐུར་སྐྱོད།། དེ་ནས་གཙོ་འཁོར་རིམ་པར་ཐིམ།། ཡེ་ཤེས་རླུང་གི་ཆོས་ཉིད་ངང་ལ་སྤྱོད།། དེ་ཚེ་འབྱུང་བ་མཚན་མ་རང་སར་གྲོལ།། སྦྲུལ་སྐུའི
86b4 འབྱུང་ལྔ་འོད་ལྔའི་ངང་དུ་ཐིམ།། འོད་ལྔ་ཡེ་ཤེས་ལྔ་ཡི་འབྱུང་ལྔར་གྲོལ།། དང་པོ་ཆོས་ཉིད་མ་ལ་ཤར་བས་མ་ཡི་ངང་དུ་ཞི།། སྟོབས་ལྡན་མ་དང་ཤུགས་འཆང་མ།། གཉིས་སུ་མེད་པར་སྦྱོར་བར་བྱེད།། དཔེར་ན་ཉི
86b5 མའི་སྙིང་པོ་ལྟར།། རིག་པའི་རང་རྩལ་སྐུ་དང་ཡེ་ཤེས་ཤར།། ཐ་མ་འཁོར་རྣམས་གཙོ་ལ་སྡུད།། གཙོ་བོ་ལྔ་ཡང་ཆོས་སྐུ་རིན་ཆེན་སྦུབས་སུ་གཤེགས།། རྩོལ་དང་བཅས་ནས་བསྐྱོད་པ་མ་ཡིན་ཏེ།། ངང་གི་འགྲོ་བ
86b6 ཕྱིར་ན་ཤུགས་འཆང་ངོ་།། དེ་དུས་ཆོས་སྐུ་རིན་ཆེན་ལྟ་བུ་སྟེ།། གདོས་པ་ཅན་གྱི་ཆོས་མེད་དེ།། ཆོས་ཉིད་ནམ་མཁའ་ལྟ་བུ་དང་།། ཆོས་སྐུ་ནམ་མཁའ་ལྟ་བུ་གཉིས།། གཉིས་མེད་ཡེ་ཤེས་ཟང་ཐལ་ཏེ།། མི་འབྱེད
iiif viewer powered by OpenSeadragon
