| e-texts navigator |
| Wylie |
84b1 དྲན།། བླ་མས་རྗེས་སུ་དྲན་པས་རྒྱལ་བའི་བཀའ་དང་ཕྲད།། ལུས་ངག་སྐུ་གསུམ་དུག་ལྔ་ཡེ་ཤེས་ལྔ་རུ་རྟོགས།། སུམ་ཅུ་རྩ་བཞི་དག་ལ་ཆོས་སྐུ་ཆོས་ཉིད་རྒྱས་ཐེབས་ཏེ།། ལོངས་སྐུ་རྟོགས་པའི་དོན་ལ་རྒྱ
84b2 ཡིས་ཐེབས།། སྦྲུལ་སྐུ་སྒྱུ་མའི་ས་ལ་མི་རྟོག་ཡེ་ཤེས་རྒྱ་ཡིས་ཐེབས།། གྲོལ་བའི་དགོངས་པ་རང་ལ་རང་ཤར་ཏེ།། སྣང་བ་སྒྱུ་མར་གྲོལ་ནས་སྨིག་སྒྲ་ཙམ་དུ་བུན་ཙེར་འཆར།། ཉོན་མོངས་རང་གྲོལ་ལན་ཚྭ་ཆུར་ཞུ
84b3 བཞིན་དུ་ལྟེམས་ཅེར་འགྲོ།། སྤྲིན་བྲལ་ཉི་མ་བཞིན་དུ་རིག་པ་ལྷག་ཅེར་འཆར།། ཤེས་རབ་སྤྱན་གྱིས་ཕྱིར་ལྟས་སྣང་བའི་ཡུལ་མ་བཅིངས་མ་གྲོལ་མེ་ལོང་གཟུགས་བརྙན་ལྟར།། སྣང་ལ་རང་བཞིན་མེད་པར་འཛིན
84b4 པ་བྲལ།། ཤེས་རབ་སྤྱན་གྱིས་ནང་དུ་བལྟས་པའི་ཚེ།། ཉིད་ཀྱིས་ཉིད་བཤད་ཉིད་ཀྱིས་ཉིད་ལ་བཤད།། ཉིད་ཀྱི་ངོ་བོར་རྟོགས་ཤིང་ཉིད་ཀྱིས་ངོ་བོར་གྲོལ།། སྤྱི་མདུན་ནམ་མཁའ་མཐའ་ལ་ཡེ་ཤེས་ལམ་དུ
84b5 བཀྲོལ།། གསང་རྫོགས་ཕྱག་རྒྱ་ཆེན་པོའི་རང་ས་དེ།། དེ་ནས་ཚེ་འདིའམ་བར་དོ་ནས་ནི།། གྲོལ་བ་སྐུ་གསུམ་སྟོབས་ཆེ་བ།། ཡེ་ཤེས་འོད་ཟེར་དག་ཏུ་མྱ་ངན་འདས།། འགྲོ་བ་སྐུ་གསུམ་ས་ལ་གྲོལ་བར
84b6 ངེས།། ཞེས་སེང་གེ་སྒྲའི་དགོངས་པའི་རྒྱུད་ཉི་ཟླ་ཁ་སྦྱོར་ལས། སྐྱེ་བ་བརྒྱུད་ནས་གྲོལ་བའི་ལེའུ་སྟེ་གྱ་བདུན་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། རབ་འབྲིང་གྲོལ་ལུགས་ཇི་ལྟར
iiif viewer powered by OpenSeadragon
