| e-texts navigator |
| Wylie |
84a1 རྒྱུས།། ཡར་མར་རྒྱུ་གཉིས་ཚོམ་བུ་ལྟེ་བ་སྦྲེལ།། སྙིང་པོ་རིག་པའི་གཡས་ན་ཡར།། རྩ་ལམ་ཁམ་སེར་ངན་ངན་ཡར།། ལྕེ་ཡི་རྟེན་ཆགས་ང་རྒྱལ་རྒྱུ།། སྙིང་པོ་རིག་པའི་གཡོན་ན་ཡར།། རྩ་ལམ་ལྡང
84a2 ཁུ་ནང་ན་ཡང་།། རྣ་བའི་རྟེན་ཆགས་ཕྲ་དོག་རྒྱུ།། སྙིང་པོ་རིག་པའི་མདུན་ན་ཡང་།། རྩ་ལམ་མཐིང་ཁ་ནང་ན་ཡར།། སྣ་ཡི་རྟེན་ཆགས་གཏི་མུག་རྒྱུ།། དེ་ནས་ལུས་སུ་གྲུབ་པ་ནི།། སྙིང་ལ་གཟུགས་ཀྱི་ཕུང་པོ
84a3 སྐྱེད།། ཕོ་མཆེར་འདུ་ཤེས་ཕུང་པོ་སྐྱེད།། མཁལ་མས་ཚོར་བའི་ཕུང་པོ་སྐྱེད།། གློ་མཆིན་འདུ་བྱེད་ཕུང་པོ་སྐྱེད།། མཆིན་པས་རྣམ་ཤེས་ཕུང་པོ་སྐྱེད།། ས་ཡི་དྲངས་མས་རུས་པ་ཆུ་རྒྱུས་སྐྱེད།། ཆུ་ཡི་དྲངས་མས་ཁྲག
84a4 ལས་ཤ་སྐྱེད་དོ།། མེ་ཡིས་དྲོད་དང་རླུང་གིས་སྲོག་རྟེན་སྐྱེད་བྱེད་དོ།། ནམ་མཁའ་གོ་ཕྱེ་འབྱུང་བའི་ལུས་སུ་གྲུབ།། རིག་པའི་ཟེར་འགྱུས་རླུང་གིས་སེམས་ཀྱི་རྟ་བྱས་ནས།། འབྱུང་བའི་ལམ་རྒྱུ་རྩ་བྱུང་སྦུབས་ནས
84a5 དྭདངས་མ་རྒྱུ།། སྙིང་པོ་རིག་པ་སེམས་ཀྱི་སྦུབས་ཚུད་ལས་རླུང་དབུགས་ཕྱིར་རྒྱུ།། དེ་ལྟར་ཆུ་ཡི་ལྷ་མོ་བུམ་འཛིན་མ་ཡིས་གཟུགས་སུ་བསྡུས།། མེ་ཡི་ལྷ་མོ་འོད་གསལ་མ་ཡིས་སྨིན།། རླུང་གི་ལྷ་མོ་འདེགས་བྱེད་མ
84a6 ཡིས་བཏེག་ནས་གནས།། དེ་ནས་ཕྱི་རོལ་མཐོང་སྣང་མ་ལ་སྐྱེས།། ཤ་ཁྲག་སྦུབས་ལ་བརྟེན་ནས་དུག་གསུམ་ངང་ལ་སྤྱོད།། ཐུགས་རྗེ་ལན་ཅིག་ལས་ཀྱི་འཕྲོ་སད་ནས།། བཅུ་བཞི་ལོན་ནས་དད་པ་རྗེས་སུ
iiif viewer powered by OpenSeadragon
