| e-texts navigator |
| Wylie |
80a1 གསུམ་ཡེ་ཤེས་རྟོགས་པས་གཞན་སྣང་འཁྲུལ་པ་ཞིག། སྐུ་གསུམ་སྐྱེ་འཇིག་མེད་པས་ལུས་ཀྱི་འཁྲུལ་པ་ཞིག། གསུང་གི་ཉི་འོད་ཟེར་འཕྲོ་བས་ངག་གི་འཁྲུལ་པ་ཞིག། ཐུགས་ལ་མཁྱེན་པ་རིག་པས
80a2 གཟུང་འཛིན་ཡིད་སེམས་འཁྲུལ་བ་ཞིག། རླུང་གིས་སེམས་སྒྲལ་བ་མེད་པས་འབྱུང་བའི་འཁྲུལ་པ་ཞིག། སྲིད་པར་སྦྱོར་བ་མེད་པས་སྐྱེ་གནས་འཁྲུལ་པ་ཞིག། ཡེ་ཤེས་ཉི་མ་ཤར་བས་གསལ་འགྲིབ་ཉི་ནུབ་འཁྲུལ
80a3 པ་ཞིག། ཞག་དང་ལོ་ཟླ་འདས་པས་དུས་ཀྱི་འཁྲུལ་པ་ཞིག། ཆོས་ཉིད་ཕོ་བྲང་ཐིག་ལེར་འཁྱིལ་བས་ཕྱོགས་ཀྱི་འཁྲུལ་པ་ཞིག། ཅེས་སེང་གེ་སྒྲའི་རྒྱུད་ལས། གྲོལ་བ་མངོན་གྱུར་སངས་རྒྱས་སྒྲིབ་པ་དག་སྟེ་མ་རིག་པ
80a4 གྲོལ་ནས་འཁྲུལ་པ་ཞིག་མཁྱེན་པ་ཐོབ་པའི་ལེའུ་སྟེ་གྱ་ལྔ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། གང་ཟག་སྐལ་བ་ཞན་དང་བློ་དམན་དང་།། ཐེག་དམན་བློ་ཡི་བཅོས་དང་རྩོལ་བ་ཞན།། ཆོས
80a5 ཉིད་པར་དོར་རྟོགས་པར་མ་གྱུར་ན།། ཐབས་ཀྱི་ལམ་གྱིས་ཇི་ལྟར་གྲོལ་བར་བགྱི།། བཀའ་སྩལ་པ། ཀྱེ་རྡོ་རྗེ་འཛིན་པས་ངེས་པར་ཟུངས་ཤིག། ཤེས་རབ་རྟོགས་པའི་བློ་ཅན་གྱིས།། མཆོག་གི་འོད་གསལ་ཆེན་པོ
80a6 ལ།། རིག་པ་ཟང་ཐལ་ཤར་བ་གཅེས།། དེ་ཡིས་ཚེ་འདིར་བར་དོ་མེད་པར་གྲོལ།། སྐྱེས་བུ་ལས་དང་སྐལ་ལྡན་ནི།། མཆོག་གི་འོད་གསལ་ཆུང་ངུ་དེ།། ཆོས་ཉིད་མ་ཡི་བར་དོ་ལ།། མཁྱེན་པའི་ཤེས་རབ་ཤར་བ
iiif viewer powered by OpenSeadragon
