| e-texts navigator |
| Wylie |
7a1 པ་སྒོ་ལྔར་ཤར།། སེམས་ཉིད་འགྱུར་མེད་ཡེ་ཤེས་རྒྱུན་མི་འཆད།། ཡེ་ཤེས་འགྱུར་མེད་རིག་པ་རྒྱུན་མི་འཆད།། རིག་པ་འགྱུར་མེད་སྣང་བ་རྒྱུན་མི་འཆད།། སེམས་ཉིད་མི་གནང་རང་བྱུང་རིག་པ
7a2 ཉིད།། རིག་པ་མི་སྣང་རང་བྱུང་ཤེས་རབ་ཉིད།། མ་རིག་མི་སྣང་འབྱུང་བ་དུག་ལྔ་ཉིད།། ཡེ་ཤེས་སྣང་བས་སྤྱད་དང་གསལ་བས་གོས་པ་མེད།། རིག་པ་སྣ་ཚོགས་སྤྱད་དང་དངོས་པོ་གོས་པ་མེད།། བདེ་བར
7a3 གཤེགས་པས་རང་ཤར་འདི་བརྗོད་པས།། མཆོག་གི་འོད་གསལ་མཚོན་པའི་བྲི་ཐབས་ནི།། རས་སམ་གྲོ་ག་འདོམ་གང་གྲུ་བཞི་ལ།། ཆ་ལྔར་བགོས་ལ་ལྔ་པོ་ལྔ་ལྔ་བགོ། དེ་ཡང་ལྔ་ལྔར་ཕྱེ་བས་བརྒྱ་དང་ལྔ
7a4 བཅུའོ།། ཚོན་ནི་མཐིང་ཁ་དཀར་པོ་སེར་ལེ་བརྒན།། མཐིང་གི་མཐིང་ཁ་ལ་སོགས་པ།། ཚོན་རྣམས་རྗེས་ཤིང་མཛེས་ཚོན་གཏང་།། རི་མོ་པདྨ་ལྔ་རུ་བྲི།། པདྨ་ཐམས་ཅད་ཉིས་འགྱུར་བྲི།། ཆོས་ཀྱི་དབྱིངས་ཀྱི་ཕོ
7a5 བྲང་ངོ་།། སྙིང་པོ་ཆོས་ཉིད་ཐིག་ལེ་བརྒྱ།། འོད་གསལ་དབྱིངས་ཀྱི་ལྟེ་བ་ལ།། རང་བྱུང་སེམས་དཔའི་སྐུ་ཉིད་ནི།། སྐུ་མདོག་མཐིང་ཁ་རིན་ཆེན་ལབ་ཆུང་ཅན།། རྡོ་རྗེ་ཤམ་བུར་ཡན་ལག་པདྨར་འབར།། དབུ་རྒྱན
7a6 སྙན་ཆེན་སྙན་ཆས་འཁོར་ལོ་འབར།། ཕྱག་གཡས་རྡོ་རྗེ་གཡོན་པ་མེ་ལོང་འཕྱར།། འོད་གསལ་ནང་སྒོ་བཅུ་དྲུག་ལ།། ཐུབ་དྲུག་ཡེ་ཤེས་ལྔ་རྣམས་བྲི།། དེ་ཡི་ཕྱི་མའི་འོད་སྐོར་ལ།། ཞི་ཁྲོ་གཉིས་ཀྱི་ལྷ་ཚོགས་བྲི།། དེ
iiif viewer powered by OpenSeadragon
