| e-texts navigator |
| Wylie |
79b1 ཚིག། ཟེར་འོད་སྒོ་མོ་བརྒྱད་ཁྲི་བཞི་སྟོང་འཆར།། སྐུ་གསུང་ཐུགས་ཀྱི་རྣམ་དག་མཁྱེན་པ་རྣམ་དག་ཕྱོགས་མེད་དོ།། དེ་ལྟར་རྣལ་འབྱོར་གྲོལ་བའི་ས་ཚད་ནི།། ཆོས་ཉིད་བར་དོ་སྲིད་པའི་ལ་ཚིག་ཡིན།། རྣལ་འབྱོར
79b2 རྟོག་པ་ཀློང་གྱུར་དུས་མཉམ་བདུན་གྱིས་གྲོལ།། འཇུག་དང་སྣང་དང་ཤེས་པ་དང་།། ཐོབ་གྲོལ་མཁྱེན་པ་ཐུགས་རྗེ་མཉམ།། ཞེས་སེང་གེ་སྒྲ་སྒྲོགས་ཐེག་དམན་ཟིལ་གྱིས་གནོན་པའི་རྒྱུད་ལས། བར་དོར་མངོན
79b3 སངས་རྒྱས་པའི་གདམས་ངག་གདབ་པའི་ལེའུ་སྟེ་གྱ་བཞི་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། གྲོལ་བའི་སྐུ་གསུམ་མཁྱེན་པ་དེ།། སྐྱོན་བྲལ་དག་པ་ཇི་ལྟར་ལགས།། བཀའ་སྩལ་པ། ཡེ
79b4 ཤེས་སྒྲིབ་མེད་མ་རིག་རང་གྲོལ་བ།། འོད་གསལ་ཟང་ཐལ་ཤར་བས་རྩལ་གྱི་སྒྲིབ་པ་མེད།། ལྷན་ཅིག་སྐྱེས་པའི་མ་རིག་པ་ལས་གྲོལ།། མཐོང་བའི་ཡུལ་ལ་རྟོགས་པའི་ཤེས་རབ་ཤར།། དེས་བག་ཆགས་བསྒྲིབས
79b5 པ་མེད།། བག་ཆགས་རྒྱུན་མེད་རྨོངས་པའི་མ་རིག་པ་ལས་གྲོལ།། སྐུ་གསུམ་དཀྱིལ་འཁོར་རང་ཤར་བས།། ཀུན་ཏུ་བརྟག་པ་མ་རིག་པ་ལས་གྲོལ།། ཡེ་ཤེས་སྒོ་ལྔ་ཟང་ཐལ་ཤར་བ་ཡིས།། ཉོན་མོངས་སྒྲིབ་མེད་མ
79b6 རིག་པ་ལས་གྲོལ།། སྐུ་གསུམ་རང་ངོ་ཤེས་པས་འཁོར་བ་ཡི།། གཏིང་ཟག་ལས་དང་ལས་ཀྱི་སྒྲིབ་མེད་ཅེས་བྱ།། སྒྲིབ་པ་མེད་པ་མཁྱེན་པ་རང་སར་བསྟན།། དེ་ནི་འཁོར་བའི་འཁྲུལ་པ་ཞིག་པ་ཡིན།། རང་སྣང་སྐུ
iiif viewer powered by OpenSeadragon
