| e-texts navigator |
| Wylie |
79a1 གསལ་དཀྱིལ་འཁོར་དེ་ལ་རྒྱུ་རྐྱེན་མེད།། རང་གྲོལ་རིག་པ་དེ་ལ་བཅོས་མ་བསླད།། རང་ཤར་དགོངས་པ་སེམས་ཀྱིས་མ་གཟུང་སྟེ།། སྐུ་གསུམ་རང་ས་དངོས་ལས་འབྲས་བུའི་སྤོགས་མི་ཚལ།། ལྷུན
79a2 གྲུབ་ཡེ་ཤེས་དེ་ལས་འཕོ་འགྱུར་གནས་མི་སོད།། དེ་ཡི་གནད་དང་གཟེར་གསུམ་བསྟན་པ་ནི།། ཕྱི་ཡི་སྣང་བ་ཆོས་ཉིད་རང་གདངས་ཤར།། འཁོར་བར་ལུས་སེམས་འཚོགས་ས་མེད་པའི་གཟེར།། ཐུགས་ཀྱི་མཁྱེན
79a3 པ་ཡེ་ཤེས་གདངས་སུ་ཤར།། གཟུང་འཛིན་སེམས་སུ་འགྱུར་མི་སྲིད་པའི་གཟེར།། གསུང་གི་ཟེར་གདངས་འོད་ཟེར་ཟང་ཐལ་བས།། ལུས་སེམས་ལས་ཀྱི་རླུང་གིས་སྒྲ་མི་སྲིད་པའི་གཟེར།། རང་སྣང་ཟད་ཐལ་རྟོག
79a4 སྒྲིབ་མེད།། རང་རིག་རང་གསལ་མཁྱེན་པར་ཤར།། སྒོ་ལྔ་འོད་གསལ་སྒྲིབ་མེད་རང་སར་གྲོལ།། བགྲོད་དུ་མེད་པའི་གྲོལ་བའི་གཟེར་ཞེས་བྱའོ།། མཁྱེན་པ་ལོངས་སྐུ་ཡེ་ཤེས་རྫོགས་པར་འཆར་བའི་གཟེར་བསྟན
79a5 པ།། རང་གསལ་སྐུ་ཡི་ཁྱབ་བདལ་སྐུ་ཉིད་མཁྱེན་པར་ཤར།། ངོ་བོ་ཉིད་ཆོས་ཀྱི་སྐུ་ལས་ནི།། ངོ་བོ་ཉིད་ཀྱི་སྐུ་ཤར་བ།། རང་དང་མཉམ་བཞི་ལྷ་བཞི་བཅུར་ཤར།། རང་ཤར་ཐུགས་ཀྱི་ཁྱབ་བདལ་རིག་པའི་རང
79a6 གདངས་མཁྱེན་པར་ཤར།། ཐུགས་དང་མཉམ་པའི་རིག་པ་ཡེ་ཤེས་ལོངས་སྐུ་ཁྱབ་པར་ཞུགས།། རང་གྲོལ་གསུང་གི་ཁྱབ་བདལ་ཟེར་གདངས་ཆོས་ཀྱི་སྒོ་མོར་ཤར།། བརྗོད་མེད་དོན་དང་མཉམ་པའི་སྒྲ་དང
iiif viewer powered by OpenSeadragon
