| e-texts navigator |
| Wylie |
78b1 གནད།། གདམས་ངག་གནད་གསུམ་མ་ཤེས་ན།། གྱིང་ལིང་སྒྲོག་ཏུ་བཅུག་པ་འདྲ།། འབྲས་བུ་རང་སར་ག་ལ་ཕྱིན།། རང་སྣང་ཕོ་བྲང་ཟེར་འོད་གསལ་ཡང་བཏབ།། སྐུ་གསུམ་ངོ་བོའི་སྣང་བས་གསལ་ཡང
78b2 བཏབ།། རིག་པ་གདམས་ངག་རྐྱེན་དུ་ཤར་བས་གསལ་ཡང་བཏབ།། གསལ་འདེབས་རྣམ་གསུམ་མ་ཤེས་ན།། མེ་ལོང་གཡའ་ཡིས་བསྒྲིབས་པ་འདྲ།། འོད་ཟེར་ལམ་སྟོན་ཡིད་ཆེས་རྡེབ་པའི་གཟེར།། སྐུ་གསུམ
78b3 དོན་ཆོད་འཁོར་བ་རུ་ལོག་གཟེར།། རང་ཤར་དགོངས་པ་འགྱུར་མེད་རྒྱུན་དུ་བཅས།། ཡེ་ཤེས་སྒོ་ལྔ་རང་ངོ་རང་ལ་མི་གསལ་ཐབས་མེད་གཟེར།། གཟེར་བུ་རྣམ་གསུམ་མ་ཤེས་ན།། ཀོ་སྒྱུ་མེད་པའི་གྲུབ
78b4 འདྲ།། རང་སྣང་ཆོས་དབྱིངས་ཕོ་བྲང་ནི།། ཀུན་གཞི་མེ་ལོང་ཟད་ཐལ་བས།། ཕྱི་ཡི་སྣང་བ་གཟུང་ཡུལ་མེད་པར་མངོན་སངས་རྒྱས།། རང་བྱུང་སྐུ་གསུམ་དཀྱིལ་འཁོར་ནི།། འོད་གསལ་ཆོས་དབྱིངས་མེ་ལོང
78b5 སྟེ།། ཟང་ཐལ་ཤར་བས་ལུས་ཀྱི་སྒྲིབ་ཤིང་མེད།། འཁོར་བའི་རྟོད་ཕུར་མེད་པར་མངོན་སངས་རྒྱས།། ཐུགས་ཀྱི་རིག་པ་ཆོས་ཉིད་རང་ཤར་བས།། ཐུགས་རིག་པའི་མེ་ལོང་གཟུང་འཛིན་བག་ཆགས་དག། འགྱུར
78b6 བྱེད་ཟང་ཐལ་རིག་པར་མངོན་སངས་རྒྱས།། མེ་ལོང་རྣམ་གསུམ་མ་ཤེས་ན།། མུན་པ་སྲོད་པའི་སྐར་མ་དང་འདྲ།། དེ་ལྟར་དོན་ཉིད་བཅོ་བརྒྱད་ཀྱིས།། རྟོགས་པའི་ཤེས་རབ་ཐམས་ཅད་མཁྱེན་པར་འཆར།། རང
iiif viewer powered by OpenSeadragon
