| e-texts navigator |
| Wylie |
77b1 འཁོར་རང་ཤར་སྣང་སྲིད་དག། དག་པ་གཞི་ཡིས་སྐུ་གསུམ་དྲི་མེད་བསྟན།། སྔ་ཕྱི་ལུས་ཀྱི་སྒྲིབ་ཤིང་མེད།། སྐུ་གསུམ་ཆོས་ཉིད་སྒྲིབ་པའི་དབང་མ་སོང་།། རིགས་དྲུག་ལུས་སེམས་མེད་པས་ཉོན་མོངས་དབང་མ
77b2 སོང་།། དགེ་སྡིག་སེམས་མ་བསྐྱེད་པས་བག་ཆགས་དབང་མ་སོང་།། འགྲོ་དྲུག་ལུས་མ་བླངས་པ་ལས་ཀྱི་དབང་མ་སོང་།། དབང་དུ་མ་སོང་གཞི་ཡིས་སྐུ་གསུམ་སྤྱིས་བསྟན།། འགྲོ་དྲུག་མ་བླངས་སྐྱེ་གནས་བར་མ
77b3 གཅད།། བག་ཆགས་མཚམས་མ་སྦྱར་བས་པར་དོར་བས་མ་གཅད།། ས་ལམ་མ་བགྲོད་ས་ལམ་པར་མི་གཅད།། བར་མ་གཅད་པས་སྐུ་གསུམ་དཀྱིལ་འཁོར་རང་སར་བསྟན།། དེ་ལྟར་བར་དོ་སྤྱི་ཡི་ཡོན་ཏན
77b4 ནི།། བཅོ་ལྔ་ཡོངས་ལ་ཁྱབ་པར་བསྟན་པའོ།། ཞེས་སེང་གེ་སྒྲ་ཉི་ཟླ་ཁ་སྦྱོར་ལས། བར་དོ་སྤྱི་ཡི་བྱེ་བྲག་རྣམ་པར་བཤད་པའི་ལེའུ་སྟེ་གྱ་གསུམ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། སྤྱིས་པར
77b5 དོ་ཡེ་གྲོལ་གནས།། གདམས་པ་བར་དོར་རང་གྲོལ་བསྟན།། དེ་ཡི་གདམས་ངག་ཇི་ལྟར་ལགས།། རང་བཞིན་གནས་ཀྱི་བར་དོ་ལ།། རྒྱུད་ལུང་ཀུན་གྱི་དོན་བཀྲོལ་ལ།། ངོ་སྤྲོད་གསུམ་གྱིས་གཏན་ལ་དབབ།། རང
77b6 རིག་རྟོགས་པས་ཐག་བཅད་ནས།། དགོངས་པ་རང་ཤར་གསལ་བ་དང་།། ཆོས་ཉིད་བར་དོར་ཡེ་ཤེས་ངོས་གཟུང་ལ།། ལོངས་སྐུ་རྡོ་རྗེ་འཛིན་པར་མངོན་སངས་རྒྱས་པར་བྱ།། སྲིད་པ་བར་དོར་ལས་ཀྱི་འཕྲོ
iiif viewer powered by OpenSeadragon
