| e-texts navigator |
| Wylie |
77a1 དགེ་སྡིག་ཆ་མཉམ།། དེ་དུས་ཆོས་ཉིད་བར་དོ་རང་བཞིན་ནི།། རང་བྱུང་དཀྱིལ་འཁོར་ནམ་མཁའ་ཤར་ཞེས་བྱ།། རྣལ་འབྱོར་རང་ངོ་ཤེས་པ་གྲོལ་བའི་ས།། ཡུན་དུས་ཇི་ཙམ་གནས་ངན་ནི།། སེམས
77a2 ཅན་ཚེ་བྲལ་དུས་སུ་ཡང་།། ཞག་ལྔ་བར་དུ་བདེ་དང་ལྡན།། དེ་ཡི་དུས་ན་ཚོར་བ་བདེ་སྡུག་བྲལ།། ཁྱུང་ཕྲུག་དང་ནི་སེང་ཕྲུག་ལྟར།། རྣལ་འབྱོར་ལུས་རྒྱ་གྲོལ་ཞེས་བྱ།། ཚེ་བྲལ་སྐྱེ་གནས་མོད་མི་ལེན།། ལེན་ན
77a3 སེམས་ཅན་ཉིད་རྒྱུད་པས།། བཀའ་ལུང་འགྲོ་ལ་ཕན་མི་ཐོགས་པར་འགྱུར།། རྣམ་ཤེས་གཞིར་ཐིམ་སྔ་ཕྱི་ལུས་མ་བླངས།། ལུས་མེད་ཕྱིར་ན་སེམས་སྐྱེ་སྲོག་རྩ་མེད།། ལུས་མེད་ཕྱིར་ན་སེམས་རྟེན་ཙིཏྟ་མེད།། དེ་ཡི།
77a4 ཕྱིར་ན་སེམས་སམ་སྒོ་གསུམ་མེད།། དེ་ཕྱིར་སེམས་རྔ་དབུགས་ཀྱང་མེད།། དེ་ཕྱིར་སེམས་ཀྱིས་འགྲོ་དྲུག་གནས་མི་ལེན་ཞེས་བྱ།། དེས་ན་ཆོས་ཉིད་བར་དོ་ཡེ་ཤེས་དབྱིངས་ཀྱི་གཞི།། སྐྱོན་གྱིས་མ་གོས་སྤྱི་ཡི་ཡོན
77a5 ཏན་ནི།། སྐུ་གསུམ་རྟོགས་པ་མ་ཤར་མཁྱེན་པའི་སར་མི་གནས།། བག་ཆགས་མཚམས་མ་སྦྱར་བས་པར་དོ་ལ་མི་གནས།། ས་ལམ་རང་ས་སྔ་བས་ས་དང་ལམ་མི་གནས།། སྐྱེ་བ་མ་བླངས་འགྲོ་དྲུག་ལ་མི
77a6 གནས།། མི་གནས་གཞི་ཡིས་སྐུ་གསུམ་རང་ངོར་གསལ།། སྔ་ཕྱི་ལུས་མེད་སྒྲིབ་པ་མ་སྦྱངས་དག། རྣམ་ཤེས་གཞིར་ཐིམ་ཉོན་མོངས་མ་སྤངས་དག། སྐྱེ་གནས་མ་བླངས་འཁོར་བ་མ་སྤངས་དག། རང་བྱུང་དཀྱིལ
iiif viewer powered by OpenSeadragon
