| e-texts navigator |
| Wylie |
75b1 དབྱིངས།། ཡེ་ཤེས་རང་ཤར་སྣང་བ་གསལ།། དེ་ནས་སྐད་ཅིག་གཉིས་པ་ལ།། དཀར་པོ་ཡུལ་དུ་སྣང་བའི་ཚེ།། རིག་པ་འགག་མིན་མེ་ལོང་ཡེ་ཤེས་ཆོད།། སྐད་ཅིག་གསུམ་ལ་སེར་པོ་ཡུལ་དུ་སྣང་།། རིག་སྟོང
75b2 དབྱེར་མེད་མཉམ་ཉིད་ཡེ་ཤེས་ཆོད།། སྐད་ཅིག་བཞི་ལ་འོད་གདངས་དམར་པོ་ཡུལ་དུ་སྣང་བའི་ཚེ།། སོ་སོར་རྟོག་པ་ཡེ་ཤེས་གདངས་སུ་ཆོད།། སྐད་ཅིག་ལྔ་ལ་ལྗང་ཁུ་ཡུལ་དུ་སྣང་བའི་ཚེ།། རང་སྣང་བྱ་བ་གྲུབ
75b3 པའི་ཡེ་ཤེས་གདངས་སུ་ཆོད།། ཡེ་ཤེས་མཆེད་པའི་སྣང་བ་རིམ་གྱི་སྐྱེ་བ་ནམ་ལངས་འདྲ།། ཆོས་པ་རྟོགས་པ་རེ་རེ་ཟད་ཀར་ཆོད།། གཟུང་འཛིན་རྟོག་པ་མེད་པས་ཤེས་བྱ་གུད་གཅོད་མེད།། དེ་ནང་རྟོག་པ་སུམ་ཅུ
75b4 རྩ་གསུམ་འགག་པའོ།། ཡེ་ཤེས་ལྔ་ཡི་སྣང་བ་རྫོགས་ནས་ཐོབ་པའི་འོད་གསལ་ནི།། ཤེས་རབ་ཀྱི་ངོ་བོ་མཐར་ཕྱིན་པ།། སྐད་ཅིག་ཆོས་ཉིད་འོད་གསལ་དཀྱིལ་འཁོར་ན།། ཐོབ་པའི་ཡེ་ཤེས་འོད་གསལ་སྐུ་གསུམ
75b5 ལྷུན་མཉམ་པ།། ཕྱག་རྒྱ་མ་འགགས་གཞི་རྫོགས་ཆོས་ཀྱི་སྐུ།། ཡེ་ཤེས་སྒོ་ལྔ་མ་འགགས་ཉི་མ་ཤར་བ་ལྟ་བུར་ཐོབ།། ཐོབ་པས་གསང་རྟོག་བུ་བདུན་འགགས་སོ།། དེ་ནས་ཆོས་ཉིད་བར་དོ་ཐོབ་པའི་འོད་གསལ
75b6 ཞེས་སུ་བྱ།། སེང་གེ་སྒྲ་སྒྲོགས་ཐེག་དམན་ཟིལ་གྱིས་གནོན་པ་ཉི་ཟླ་ཁ་སྦྱོར་རྒྱུད་ལས། ཡེ་ཤེས་སྣང་བ་འཆར་བའི་ལེའུ་སྟེ་གྱ་གཅིག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཆོས་ཉིད་བར་དོ་དེ
iiif viewer powered by OpenSeadragon
