| e-texts navigator |
| Wylie |
75a1 ཟེར་དམར་པོར་ཐིམ།། རླུང་གི་དྲངས་མ་གསེར་ས་འོག་དད་པ་ཙམ།། དོན་ཡོད་གྲུབ་པ་འོད་ཟེར་ལྗང་ཁུར་ཐིམ།། འབྱུང་བ་འོད་ལ་འདུས་ཏེ་རིགས་ལྔ་ཆོས་སྐུར་ཐིམ།། དེ་ནས་ཡེ་ཤེས་སྐུ་གསུམ
75a2 འཛིན་པའི་ཟེར་རླུང་དང་།། ལས་རླུང་འབྱུང་བ་སྲོག་འཛིན་སྙིང་རྗེ་མེད་པ་གཉིས།། ཟག་པ་ཟེར་དུ་ཆད་ནས་དབུགས་ནི་སྣ་སྒོར་འདས།། རིག་པ་ཆོས་སྐུ་སྒྲོན་མར་ཟེར་ཞོན་ནས།། སྒྲོན་མ་འོད་ཞོན་ཆོས་སྐུ་ཆོས
75a3 ཉིད་མཁའ་ལ་བསྐྱོད།། གཅིག་སྐྱེ་གཅིག་འགག་ཡེ་ཤེས་སྣང་བ་འཕྲེང་བ་བརྒྱུད་པའི་ཚུལ།། དེ་ཚེ་ཆོས་ཉིད་ངོ་བོ་ཉིད།། རང་བཞིན་དག་པའི་ནམ་མཁའ་དང་།། གཉིས་མེད་གཅིག་མེད་དོན་ཉིད་ཁྱབ་བདལ
75a4 ལོ།། ཞེས་སེང་གེ་སྒྲའི་དགོངས་པ་ཉི་ཟླ་ཁ་སྦྱོར་ལས། སྣང་བ་འགག་པའི་ལེའུ་སྟེ་བརྒྱད་ཅུ་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཡེ་ཤེས་གདངས་ཀྱི་རིམ་པའི་སྣང་བ་ཇི་ལྟར་འཆར།། བཀའ
75a5 སྩལ་པ། ཆོས་སྐུ་སྒྲོན་མ་ཡུལ་ནས་ཡེ་ཤེས་ལམ་ཞོན་ནས།། ཆོས་ཉིད་བར་དོར་རང་སྣང་རིམ་པར་རྫོགས་ཚུལ་ནི།། དང་པོ་རང་བཞིན་རིམ་པར་འཆར།། ཟླ་འོད་ཤར་བ་ལྟ་བུ་སྟེ།། སྐུ་ཡལ་བའམ་དཀར་ཡལ་འོད
75a6 འཆར་རོ།། དེ་ཕྱིར་རྟོག་པ་བཞི་བཅུ་འགག་པར་འགྱུར།། དེ་ནས་མཆེད་པའི་འོད་གསལ་ནི།། ཡེ་ཤེས་སྣང་བ་འཇའ་ལྟར་ཁ་དོག་ལྔ།། སྐད་ཅིག་དང་པོ་མཐིང་ཁ་ཡུལ་དུ་འཆར།། རིག་པ་ངོས་གཟུང་བྲལ་བ་ཆོས་ཀྱི
iiif viewer powered by OpenSeadragon
