| e-texts navigator |
| Wylie |
74b1 བུའི་སྣང་བའམ།། སྲིན་བུ་མེ་ཁྱེར་དུ་བའམ།། འཇའ་འམ་སྨིག་སྤུ་ལྟ་བུར་ཟེར་ཕྲན་འཆར།། ཞེས་སེང་གེ་སྒྲ་ལས། འབྱུང་བ་རྟགས་ཀྱི་ལེའུ་སྟེ་དོན་དགུ་པའོ།། །། ཀྱེ། བཅོམ་ལྡན་ཐུགས་རྗེ་ཟབས་ཀྱི
74b2 བདག། འབྱུང་བའི་འཆི་རྟགས་ཤར་ནས་ནི།། དབང་པོ་སོ་སོ་སྣང་བ་ཡིན།། འཁྲུལ་པ་ཡུལ་སྣང་ཇི་ལྟར་འགག། ཡེ་ཤེས་ཞི་ལ་འབྲོས་པའི་རྟགས།། རླུང་རྣམས་རིམ་གྱིས་ཞི་གྱུར་ནས།། ལས་ཀྱི་རླུང་གིས་ཡེ་ཤེས
74b3 མཁའ་ལ་སྐྱོད།། འཆི་བདག་རླུང་གི་གྲོང་ཁྱེར་ནས།། བདུད་ཀྱི་སོ་པ་ཆས་སམ་བརྟག། ལུས་ཀྱི་དབང་པོ་ས་ཡི་རླུང་འགགས་པས།། སྤྱོད་ལམ་རྣམས་འགག་ངོ་ཚ་བྲལ་བར་བྱེད།། ལྕེ་ཡི་དབང་པོ་རླུང་ཉམས
74b4 པས།། ཟས་ཀྱི་རོ་ཡི་ཚོར་བ་འགག། སྣ་ཡི་དབང་པོ་མེ་ཡི་རླུང་ཉམས་པས།། དྲི་ཡང་ཚོར་བར་མི་འགྱུར་ལ།། དབུགས་ཀྱང་རབ་ཏུ་ཐུང་ཞིང་བརྩེགས།། རྣ་བའི་དབང་པོ་རླུང་ཉམས་པས།། སྒྲ་ཡང་མི་ཐོས་ལོག
74b5 སྒྲར་ཐོས།། རྣམ་ཤེས་ནམ་མཁའི་རླུང་ཉམས་པས།། གཟུགས་འགག་མི་ངོ་ཤེས་པར་མི་འགྱུར་རོ།། འབྱུང་བ་ལྔ་ཡང་དྲངས་མ་ལྔ་ལ་འདུས།། དྲངས་མ་ལྔ་ཉིད་ལོངས་སྐུ་འོད་ལ་འདུ།། ས་ཡི་དྲངས་མ་ཉ་མིག
74b6 ཙམ།། རྡོ་རྗེ་སེམས་དཔའ་འོད་ཟེར་དཀར་པོར་ཐིམ།། ཆུ་ཡི་དྲངས་མ་བྱེའུ་ལེན་པའི་མགོ་ཙམ་ལ།། རིན་ཆེན་འབྱུང་ལྡན་འོད་ཟེར་སེར་པོར་ཐིམ།། དྲོད་ཀྱི་དྲངས་མ་མེ་ལོང་ཉིད་འོད་ཙམ།། སྣང་བ་མཐའ་ཡས་འོད
iiif viewer powered by OpenSeadragon
