| e-texts navigator |
| Wylie |
73b1 དོག་སྣ་ཚོགས་འབར་བ་རང་གདངས་འོད་དུ་འདུས།། མཁའ་ལ་འཇའ་ཚོན་གསལ་བ་ལྟ་བུ་དེ།། ཡེ་ཤེས་གསལ་བ་མཐའ་དབུས་མེད་པར་ཁྱབ།། དེ་ཚེ་རིན་ཆེན་ཉི་ཟླ་ཁ་སྦྱོར་ཀློང་ན་བཞུགས།། འབྱེད་མེད་ཤེས
73b2 རབ་ཡེ་ཤེས་ཀློང་དྲིལ་ནས།། སྐད་ཅིག་དང་པོ་བག་ཆགས་སྦུབས་ན་གནས་དུས་སོ།། རིག་པ་འོད་ལ་འཇུག་པ་བསྟན་པ་ནི།། དྲངས་མ་འབྱུང་བ་རྣམ་པ་ལྔ།། ཆོས་ཉིད་སྙིང་པོའི་འོད་ལ་ཤར།། ཕྱི་ཡི་སྣང་བའི
73b3 འབྱུང་བ་ལྔ།། མི་སྣང་རང་རང་ངང་དུ་ཐིམ།། རིན་ཆེན་རྩ་ནས་རིག་པ་ནི།། འོད་ལ་སྒྲོན་མར་ཞུགས་ནས་ཀྱང་།། བག་ཆགས་སྦུབས་ནི་ཟླ་བ་ལྟ་བུ་ནས།། ཆོས་ཉིད་ནམ་མཁའི་དབྱིངས་ལ་ནི།། རང་བཞིན་དཀྱིལ
73b4 འཁོར་ཉི་མ་ལྟ་བུར་འཕོ།། ཡེ་ཤེས་རང་ས་རྟོགས་པའི་ཤེས་རབ་ཀྱིས།། ཀུན་ཏུ་འོད་ལ་སྐུ་གསུམ་མཐར་བསྐྱལ་གཅེས།། ཉི་ཟླ་ཁ་སྦྱོར་གདམས་པ་རྟོགས་པར་བྱ།། སེང་གེ་སྒྲ་ལས། སྣང་བ་འགགས་པ་དང་རིག་པ
73b5 སྒྲོན་མར་འཇུག་པའི་ལེའུ་སྟེ་དོན་བརྒྱད་པའོ།། ། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། བག་ཆགས་ཤ་ཁྲག་སྦུབས་ནས་ནི།། ཡེ་ཤེས་སྦུབས་སུ་འཕོ་བ་ལ།། རྟགས་ཀྱི་རིམ་པ་ཇི་ལྟར་ལགས།། བཀའ་སྩལ
73b6 པ། ལུས་ཀྱི་འབྱུང་བ་ཐིམ་ཞིང་འདུ།། ས་ཉིད་ས་ཐིམ་འདེགས་པའི་རྩལ་ཉམས་ཏེ།། ལུས་ལྕི་ཤེས་པ་ཐིམ་པ་ཡིན།། དེ་ནས་ཆུ་ལ་ཆུ་ཐིམ་སྟེ།། སྡུད་པའི་ནུས་ཉམས་ཁ་སྣ་སྐམ་ལ་མེད།། མེ་ལ་མེ་ཐིམ་དྲོད་ཉམས
iiif viewer powered by OpenSeadragon
