| e-texts navigator |
| Wylie |
73a1 མཁྱེན་པ་རང་ལ་ཤར།། ཆོས་ཉིད་སྣང་བ་ཆོས་སྐུ་བདལ་ཁྱབ་མཐོང་།། རྩོལ་བས་རྟོགས་པར་རྫོགས་པར་མངོན་སངས་ཚེ་འདིར་རྒྱས།། སྣང་བ་རྒྱས་འདེབས་པ་དགོངས་པ་དེས་མཐར་སྒྲོལ།། ཞེས
73a2 སེང་གེ་སྒྲ་ཡི་དགོངས་པའི་རྒྱུད་ལས། སྐུ་གསུམ་རྩལ་གྱི་སྣང་བ་དབྱིངས་ཡེ་ཤེས་ལ་སྡུད་པར་བསྟན་པའི་ལེའུ་སྟེ་དོན་བདུན་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། དངོས་གྲུབ་ཐོབ་པ་ཇི་ལྟར
73a3 གྲོལ།། ལེ་ལོ་ཅན་གྱི་གང་ཟག་ལ།། བར་དོ་གྲོལ་བ་ཇི་ལྟར་ལགས།། བཀའ་སྩལ་པ། མཁའ་སྤྱོད་དངོས་གྲུབ་ཐོབ་པ་ནི།། ཡེ་ཤེས་སྒྱུ་མའི་སྣང་བ་ལ།། གཉིས་མེད་སྤྱོད་པས་མཁའ་སྤྱོད་གྲོལ།། བར་དོ་གྲོལ་བའི
73a4 གྲོལ་ལུགས་ལ།། འཁྲུལ་པའི་སྣང་བ་ཇི་ལྟར་འགག། རང་ལ་ཤེས་པ་ཇི་ལྟར་འཇུག། འཆི་རྟགས་རིམ་པ་ཇི་ལྟར་འབྱུང་།། ཡེ་ཤེས་སྣང་བ་ཇི་ལྟར་འཆར།། དབང་འབྲིང་གྲོལ་ལུགས་ཇི་ལྟར་ལགས།། བཀའ་སྩལ
73a5 པ། འཇིག་རྟེན་འཁྲུལ་པའི་སྣང་བ་འདི།། དང་པོ་རང་ལ་ཤར་བས་ན།། ཟ་མ་རང་གི་ངང་དུ་གྲོལ།། གཞན་སྣང་འཁྲུལ་པ་འགགས་དུས་སུ།། མཚན་མ་རང་སར་གྲོལ་གྱུར་པ།། འབྱུང་བའི་རང་རྩལ་བཞིར་འདུས
73a6 ཏེ།། ཡུལ་ལྔ་སྒོ་ལྔའི་གནས་སུ་སྡུད།། སྒོ་ལྔ་འབྱུང་བ་ལྔ་ལ་སྡུད།། འབྱུང་ལྔ་ཡུམ་ལྔ་བུམ་པའི་དབྱིངས་སུ་སྡུད།། གཟུང་འཛིན་སེམས་རྟོག་ཡེ་ཤེས་ལྔ་ལ་སྡུད།། ཡེ་ཤེས་གཟུང་འཛིན་བྲལ་བའི་ངོ་བོ་ཆོས་ཀྱི་སྐུ། ཁ
iiif viewer powered by OpenSeadragon
