| e-texts navigator |
| Wylie |
72a1 པའི་རང་ས་ཟིན།། སྟོང་ཉིད་རྡོ་རྗེ་ལྟ་བུའི་སྐུ་ཐོབ་པ།། ལོངས་སྐུ་དེ་ལས་འགག་མེད་ཐུགས་རྗེ་ཤར།། སྦྲུལ་སྐུ་ཐུགས་རྗེ་ཡེ་ཤེས་དབྱིངས་ཀྱི་མངལ་སྡུད་ཅེས།། སེང་གེ་སྒྲའི་དགོངས་པའི་རྒྱུད
72a2 ལས། ཐོག་མ་ཡེ་ཤེས་ཀྱི་རྩལ་གང་ལས་བྱུང་བ་དང་། བར་དུ་སངས་རྒྱས་སེམས་ཅན་ཇི་ལྟར་གནས་པའི་ལེའུ་སྟེ་དོན་དྲུག་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། དང་པོ་བྱུང་ཡང་ཡེ་ཤེས་རྩལ
72a3 ལས་བྱུང་།། ཐ་མ་ཡེ་ཤེས་དབྱིངས་སུ་ཇི་ལྟར་སྡུད་ཅེ་ན།། བཀའ་སྩལ་པ། ལོངས་སྣང་སྤྲུལ་པའི་ཞིང་ཁམས་འགྲོ་དྲུག་ནས།། འདོད་པའི་ཡོན་ཏན་ཡུལ་ལྔ་ཡང་།། སྒོ་ལྔ་དབང་པོ་ལྔ་ཡི་ངང་དུ་གྲོལ།། སེམས་དཔའ
72a4 སེམས་མ་སྒོ་ལྔ་དེ།། སྐུ་ལྔ་ཕུང་པོ་ལྔ་དང་ཡུལ་ལྔ་འབྱུང་བ་ལྔ་ལ་གྲོལ།། རིགས་ལྔ་འོད་ལྔ་ཡེ་ཤེས་ལྔ་ཡི་ངང་དུ་གྲོལ།། ཡེ་ཤེས་ལྔ་ཡང་རིག་པའི་མཚན་ཉིད་ལྔ་ཡི་ངང་དུ་གྲོལ།། མཚན་ཉིད་ལྔ་ཡང་འཛིན་མེད་རིག
72a5 པའི་འོད་ལ་གྲོལ།། དེ་ལ་དབང་པོ་གནས་སྡུད་དགོངས་པ་ཞེས་སུ་གསུངས།། དེ་ལས་གྲོལ་ནས་ངང་ལ་མ་གཡོས་པ།། ཆོས་ཉིད་ཆོས་སྐུ་དབྱེར་མེད་བུམ་པས་བྱ།། ཡེ་ཤེས་རང་རིག་མར་མེ་ལྟ་བུས་གསལ།། དེ་ལ
72a6 ཤེས་བྱ་བུམ་འཇུག་དགོངས་པ་ཞེས་སུ་བྱ།། ཐམས་ཅད་བྱུང་ཡང་སྐུ་གསུམ་རང་ལས་བྱུང་།། ཐམས་ཅད་སྣང་ཡང་རང་སྣང་ཐིམ་པ་རང་ལ་གྲོལ།། ཐམས་ཅད་གསལ་བ་རང་གསལ་ངོ་བོར་མཆེད།། ཐིམ་དང་གྲོལ
iiif viewer powered by OpenSeadragon
