| e-texts navigator |
| Wylie |
71b1 ནི།། རིག་པ་ཆོས་ཉིད་སྟོང་པ་དང་།། དེ་ཉིད་འགག་པ་མེད་པ་དང་།། དེ་གཉིས་དབྱེ་བ་མེད་པ་དང་།། དེ་ལྟར་ཤེས་པའི་ཤེས་རབ་དང་།། དེ་ལས་ཐོགས་མེད་འོད་ཟེར་ལྔ།། དེ་ལྔ་མཚན་ཉིད་འཛིན་པའི་ཡེ་ཤེས་ལྔ
71b2 ཤར་རོ།། ཡེ་ཤེས་ལྔ་ནི་འོད་ལྔར་ཤར་བ་ཡིན།། འོད་ལྔ་རིགས་ལྔ་ལོངས་སྐུ་ལྔར་ཤར་རོ།། རིགས་ལྔ་དབྱིངས་ལ་ཡུམ་ལྔ་མ་འགགས་ཤར།། ཡབ་ཡུམ་སེམས་དཔའ་སེམས་མ་མ་འགགས་ཏེ།། སེམས་དཔའ
71b3 སེམས་མ་དབང་པོ་མ་འགགས་པ།། དེ་ནི་ཡེ་ཤེས་རང་ཤར་དགོངས་པའོ།། རང་ཤར་རང་སྣང་གཞན་སྣང་རྟོག་པ་དེ་ལ་མེད།། དེ་ལྟར་འབྱུང་ལྔ་ཕུང་པོ་སྒོ་ལྔ་དང་།། རིག་པ་འོད་གསལ་དབྱེར་མེད་རྩལ་གྱི
71b4 གདངས་ལས་ཤར།། དེ་ཉིད་ཡེ་ཤེས་གདངས་སུ་རྟོགས་པ་ནི།། བླ་མས་གདམས་ངག་རྐྱེན་གྱིས་སྣང་བས་ན།། འོད་ཀྱང་དོན་ཤེས་གནས་འགྱུར་མ་ཡིན་ཏེ།། དཔེར་ན་ཁང་ཁྱིམ་ནང་གི་ནམ་མཁའ་ནི།། སྒྲིབ་བྱེད་ར
71b5 བས་བཅད་གྱུར་ཀྱང་།། མཐོངས་ཀྱི་ནང་ན་ཟང་ཐལ་ནམ་མཁའ་དབྱེར་མེད་དོ།། དེ་བཞིན་སེམས་ཅན་བག་ཆགས་སྦུབས་ཀྱིས་བཅད་མོད་ཀྱང་།། དོན་གྱི་ཡེ་ཤེས་སྒོ་ལྔ་ཟང་ཐལ་ཤར།། རྟོག་པའི་ཡེ་ཤེས་སྒྲིབ
71b6 མེད་ཟང་ཐལ་ལོ།། དེ་ཕྱིར་རྣལ་འབྱོར་སྐུ་གསུམ་ཡིན་པའི་ངང་ལས་བདག་མེད་དོ།། དེ་ཡི་ངང་ལ་དུས་གསུམ་སངས་རྒྱས་ཐམས་ཅད་བཞུགས།། འབྱེད་མེད་གསལ་བ་ཤེས་རབ་རྟོགས་པ་མེད།། དེ་ཡི་ཆོས་སྐུ་རིག
iiif viewer powered by OpenSeadragon
