| e-texts navigator |
| Wylie |
70b1 འགྲོ་དྲུག་སྒྱུ་མར་གྲོལ།། འགྲོ་དྲུག་སྐྱེ་གནས་འཁོར་བའི་སྒོ་ཡང་འགགས།། ཐུགས་རྗེ་འོད་དུ་གསལ་བས་འགྲུ་བྱེད་རྟོག་སྒྲིབ་དག། འཁོར་བ་སྐྱེ་བའི་རྐྱེན་མེད་མངོན་སངས་རྒྱས།། ཆོས་སྐུ་རང་ངོ་ཤེས་པས་རྟོགས
70b2 པའི་ཡུལ་ལ་ཤེས་རབ་ཤར།། མ་རིག་རིག་པར་དག་པས་མཁྱེན་པའི་ཡེ་ཤེས་ཐོབ།། ཐུགས་རྗེ་ཟེར་དུ་འཕྲོ་བས་རྫུ་འཕྲུལ་རྩལ་ཡང་རྫོགས།། ལོངས་སྐུ་རང་ལ་ཤར་བས་ཡེ་ཤེས་ངང་ལ་གསལ།། ཐུགས་ཀྱི་རྩལ
70b3 རྫོགས་མཁྱེན་པ་གསུམ་ཡང་ཤར།། འགག་མེད་གསུང་གི་རྩལ་རྫོགས་ཆོས་རྣམས་ཐོགས་མེད་མཁྱེན།། རྣལ་འབྱོར་ལམ་གྱི་དྲོད་ཚད་མཐའ་རུ་སྐྱོལ།། ཞེས་སེང་གེ་སྒྲ་ལས། རྣལ་འབྱོར་དྲོད་ཚད་བསྟན་པའི་ལེའུ
70b4 སྟེ་དོན་བཞི་པའོ།། །། ཀྱེ། བཅོམ་ལྡན་ཐུགས་རྗེ་ཐབས་ཀྱི་བདག། ཉམས་སུ་བླང་དུས་ཇི་ལྟར་ལགས།། བཀའ་སྩལ་པ། རྣལ་འབྱོར་ཉམས་སུ་ལེན་དུས་ལྔ།། ད་ལྟ་འཁྲུལ་བའི་སྣང་བ་ལ།། རང་སྣང་ཡེ་ཤེས
70b5 ལམ་དུ་བཅར།། ཐུན་མོང་ཏིང་འཛིན་གསལ་བ་ལས།། ཡེ་ཤེས་རང་ཤར་ལམ་དུ་བཅར།། རྨི་ལམ་སྣང་བ་ཉིད་འཁྲུལ་ལ།། ཡེ་ཤེས་སྒྱུ་མས་ཡེ་ཤེས་སྒྱུ་མ་བལྟ།། ཆོས་ཉིད་བར་དོ་དག་པའི་སྣང་བ་ལ།། སངས་རྒྱས
70b6 བདེན་པའི་རང་ས་དེ་ལྟར་གཟུང་།། དེར་མཁྱེན་པའི་གསལ་མ་ཐེབས་ན།། བློ་དམན་སྲིད་པའི་བར་དོར་ཡེ་ཤེས་སྤོངས་གདབ་བྱ།། རྟོགས་པ་ཐ་མ་སྐྱེ་བ་རྒྱུད་ལས་གྲོལ་བར་འགྱུར།། ཡེ་ཤེས་རང་སྣང་ལམ་དུ་བྱེད
iiif viewer powered by OpenSeadragon
